شىنخۇا تورى بېيجىڭ 23 – ئىيۇن تېلېگراممىسى : دۆلەت رەئىسى خۇجىنتاۋ 23 – ئىيۇن چۈشتىن كېيىن خەلق سارىيىدا جۇڭگودا دۆلەت ئىشلىرى زىيارىتىدە بولۇۋاتقان گرېتسىيە زۇڭتۇڭى پاپۇلىئاس بىلەن سۆھبەت ئۆتكۈزدى . سۆھبەتلىشىش ئارقىلىق ئىككى تەرەپ ھەر ساھە ھەمكارلىق ، ئالماشتۇرۇشنى تېخىمۇ كېڭەيتىپ ، جۇڭگو – گرېتسىيە ئومۇميۈزلۈك ئىستىراتېگىيىلىك ھەمكارلىق مۇناسىۋىتىنى تېخىمۇ تەرەققىي قىلدۇرۇش جەھەتتە ئورتاق تونۇش ھاسىل قىلدى .

     شۇ كۈنى كەچتە ، خۇ جىنتاۋ بىلەن پاپۇلىئاس بىرلىكتە 6 – نۆۋەتلىك ‹‹بېيجىڭ — 2008›› ئولىمپىك مەدەنىيەت بايرىمى ھەمدە ‹‹2008–يىلى بېيجىڭدا ئۇچرىشىش›› مەدەنىيەت پائالىيىتى باشلىنىش مۇراسىمىنىڭ كۆڭۈل ئېچىش كېچىلىكىگە قاتناشتى .

    كېچىلىكتە ، دۆلەت ئىچى ۋە سىرتىدىن كەلگەن 400 دىن ئارتۇق ئاتاقلىق سەنئەتكارلار تاللانغان ، سەرخىل نومۇرلارنى ئورۇنداپ ، مەيداندىكىلەرنىڭ قىزغىن ئالقىشىغا ئېرىشتى .