ئىختىيارىي مۇخبىرىمىز نۇرئەخمەت نۇرامبەگ خەۋىرى : دۆلەت 6 مىليون يۈەن ، يەرلىك 1 مىليون 500 مىڭ يۈەن مەبلەغ سالغان ، ئومۇمىي قۇرۇلۇش كۆلىمى 7894 كۋادرات مېتىر كېلىدىغان توققۇزتارا ناھىيىسى مىللىي–خەنزۇ مەكتەپنى بىرلەشتۈرۈش قۇرۇلۇشىنىڭ ئوقۇتۇش ۋە ياتاق بىناسى قۇرۇلۇشى يېقىندا ، ناھىيىلىك 2 – ئوتتۇرا مەكتەپتە باشلاندى. بۇ تۈرنىڭ يولغا قويۇلۇشى ئەنئەنىۋى مائارىپ بايلىقىدىكى ئىسراپچىلىق مەسىلىسىنى ئۈنۈملۈك ھەل قىلىپلا قالماي ، مىللىي ۋە خەنزۇ تىلى مائارىپىنى ماسلىشىشقا يېتەكلەش ، ئورتاق تەرەققىي قىلىشنى ئىلگىرى سۈرۈشتە تۈرتكىلىك رول ئوينايدۇ.
      ئىگىلىنىشىچە ، بۇ دۆلەتنىڭ ئىلى ئوبلاسىتىغا بىۋاسىتە قاراشلىق جايلاردىكى مىللىي ۋە خەنزۇ مەكتەپلەرنى بىرلەشتۈرۈش ئۇل ئەسلىھە قۇرۇلۇشىغا تۇنجى قېتىم مەبلەغ سېلىشى بولۇپ ، ئوبلاستقا بىۋاسىتە قاراشلىق جايلاردا بىرىنچى تۈركۈمدە بىرلەشتۈرۈش تۈردىن مەنپەئەتلىنىدىغان ئىككى مەكتەپ بار ئىكەن ، بۇلار توققۇزتارا ۋە مۇڭغۇلكۈرە ناھىيىلىرىدە بولۇپ ، بۇ قۇرۇلۇشقا جەمئىي 15 مىليون 300 مىڭ يۈەن مەبلەغ سېلىنىدىكەن.