سىياسىي كېڭەش مەملىكەتلىك 11– نۆۋەتلىك كومىتېتىنىڭ 1– قارارلىق سىياسىي كېڭەش ئەزالىرىنىڭ ئۆگىنىش– مۇھاكىمە كۇرسى 19 – ئىيۇن بېيجىڭدا ئاخىرلاشتى. جۇڭگو كوممۇنىستىك پارتىيىسى مەركىزىي كومىتېتى سىياسىي بيۇروسىنىڭ ئەزاسى، مەملىكەتلىك سىياسىي كېڭەشنىڭ مۇئاۋىن رەئىسى ۋاڭ گاڭ ئۆگىنىش– مۇھاكىمە كۇرسىنى خۇلاسىلاش يىغىنىغا قاتناشتى ھەمدە سۆز قىلدى. ۋاڭ گاڭ مۇنداق تەكىتلىدى: بارلىق سىياسىي كېڭەش ئەزالىرى سىياسىي مەسئۇلىيەت تۇيغۇسى ۋە تارىخىي بۇرچ تۇيغۇسىنى يەنىمۇ كۈچەيتىپ، تەشەببۇسكارلىق بىلەن پارتىيە ۋە خەلق ئويلىغاننى ئويلىشى، پارتىيە ۋە ھۆكۈمەت ئالدىرىغانغا ئالدىرىشى، پارتىيە ۋە دۆلەتنىڭ ئېھتىياجىدىن چىقىشى، سىياسىي كېڭەش ئەزالىرىنىڭ مەسئۇلىيىتىنى ھەقىقىي ئادا قىلىپ، پارتىيە ۋە دۆلەت ئىشلىرىنىڭ تەرەققىياتىغا تېخىمۇ زور تۆھپە قوشۇش كېرەك.