دۆلەت ھاۋا ئارمىيىسىنىڭ 8–تۈركۈمدىكى 22 نەپەر ئايال ئۇچقۇچى كۇرسانتى 18–ئىيۇن كۈرەشچى ئايروپىلان ھەيدەشنىڭ دەسلەپكى باسقۇچتىكى تەلىم–تەربىيىسىنى تاماملىدى. ئۇلار پات ئارىدا ھاۋا ئارمىيىسىنىڭ مەلۇم  ئېنىستىتۇتىغا يۆتكىلىپ ، كۈرەشچى ئايروپىلان ھەيدەشنىڭ ئالىي دەرىجىلىك تەلىم–تەربىيىسىنى قوبۇل قىلىدىكەن .  

      ئەگەر تەلىم–تەربىيە ئوڭۇشلۇق ئاخىرلاشسا ، ھاۋا ئارمىيىسىدە 2009–يىلى تۇنجى تۈركۈمدىكى كۈرەشچى ئايروپىلان ئايال ئۇچقۇچىلىرى مەيدانغا كېلىدىكەن . ھاۋا ئارمىيە ھەربىي تەلىم–تەربىيە قىسمىنىڭ مۇناسىۋەتلىك مەسئۇلىنىڭ تونۇشتۇرۇشىغا ئاساسلانغاندا ، بۇ ئايال ئۇچقۇچىلارنىڭ ئالىي دەرىجىلىك تەلىم–تەربىيە قوبۇل قىلىدىغان ۋاقتى بىر يىل بولۇپ ، تەكشۈرۈپ باھالاشتا لاياقەتلىك بولغانلار مۇۋاپىق بازىغا يۆتكىلىپ، جەڭگە قاتنىشىدىغان ئايروپىلاننى باشقىدىن قۇراشتۇرۇش مەشىقىگە قاتنىشىدىكەن. بۇ سىناقتىن ئۆتكەندىن كېيىن ئاندىن ئاۋىئاتسىيە قىسمىنىڭ ئۇرۇش قىلغۇچى قىسىملىرىدا ھەربىي ۋەزىپە ئۆتىيەلەيدىكەن.