ئۈرۈمچى شەھىرى بۇ يىل جەمئىيەتكە يۈزلىنىپ، ئاشكارا ئىمتىھان ئېلىش ئارقىلىق دۆلەت مەمۇرلىقىغا 376 خادىم قۇبۇل قىلىدۇ. بۇنىڭ ئىچىدە، پارتكومنىڭ ئاممىۋى ئىشلار سىستېمىسىغا 11 خادىم، ھۆكۈمەت سىستېمىسىغا 177 خادىم، جامائەت خەۋپسىزلىكى ئورگىنىغا 181 خادىم، سوت، تەپتىش سىستېمىسىغا 7 خادىم قۇبۇل قىلىنىدۇ. تىزىملىتىش ۋە دەلىللەش خىزمىتى 6- ئاينىڭ 5- كۈنىدىن بۇرۇن، شىنجاڭ كادىرلار ئىشلىرى مەركىزى تور پونكىتىدە ئېلىپ بېرىلىدۇ. مۆلچەرلىنىشىچە: ئىمتىھان ئېلىش ئارقىلىق دۆلەت مەمۇرلىقىغا قۇبۇل قىلىش خىزمىتى 10- ئاينىڭ ئاخىرى ئاياغلىشىدىكەن.

      ئىلگىرىكى بىلەن سىلىشتۇرغاندا، بۇ قېتىمقى ئىمتىھان ئېلىش ئارقىلىق دۆلەت مەمۇرلىقىغا قۇبۇل قىلىش خىزمىتىنىڭ ئىككى ئالاھىدىلىكى بار: 1-ئىمتىھان بەرگۈچىلەر ئىككى ئورۇنغا تەڭ تىزىملاتسا بۇلىدۇ. 2 -ئاساسىي قاتلامغا يۈزلىنىپ ئىمتىھان ئېلىش ئارقىلىق دۆلەت مەمۇرلىقىغا قۇبۇل قىلىش سالمىقىنى زورايتىش ئۈچۈن ئۈچتىن بىر قىسىم ئورۇنغا ئىككى يىلدىن يۇقىرى ئاساسىي قاتلام خىزمەت تەجرىبىسىگە ئىگە شەخسلەر قۇبۇل قىلىنىدۇ.