ئامېرىكا دوللىرى قىممىتىنىڭ ئۆرلىشى ۋە مەبلەغ سالغۇچىلارنىڭ نېفىت باھاسىنىڭ يۇقىرى بولۇشىنىڭ دۇنيا خام نېفىت بازىرى ئېھتىياجىنىڭ ئېشىشىغا تەسىر كۆرسىتىشتىن ئەنسىرىگەنلىكتىن، خەلقئارانېفىت باھاسى مۇشۇ ئاينىڭ 3 – كۈنى زور دەرىجىدە تۆۋەنلىدى. نيويورك تاۋار بېرژىسى، لوندون خەلقئارا نېفىت سودا بېرژىسىدا ھەر تۇڭ نېفىت باھاسىنىڭ تۆۋەنلەش دەرىجىسى بىردەك 3.4 ئامېرىكا دوللىرىدىن ئېشىپ كەتتى. بۇ كۈنى، نيويورك تاۋار بېرژىسىدا 7 – ئايدا مال تاپشۇرىلىدىغان ھەر تۇڭ سۇيۇق خام نېفىتنىڭ زاكاز باھاسى 3.45 ئامېرىكا دوللىرى تۆۋەنلەپ، بازار 124.31 ئامېرىكا دوللىرىلىق باھادا؛ لوندون خەلقئارا نېفىت سودا بېرژىسىدا 7 – ئايدا مال تاپشۇرىلىدىغان ھەر تۇڭ شىمالىي دېڭىز برونت خام نېفىتىنىڭ زاكاز باھاسى 3.44 ئامېرىكا دوللىرى تۆۋەنلەپ، بازار 124.58 ئامېرىكا دوللىرىلىق باھادا يېپىلدى. ئۇنىڭدىن باشقا، نيويورك تاۋار بېرژىسىدا 7 –ئايدا مال تاپشۇرىلىدىغان ھەر گالون بىنزىننىڭ زاكاز باھاسى 3.82 سىنت تۆۋەنلەپ، بازار 3.35 ئامېرىكا دوللىرىلىق باھادا؛ 7 – ئايدا مال تاپشۇرىلىدىغان ئىسسىنىشقا ئىشلىتىلىدىغان ھەر گالون ماينىڭ زاكاز باھاسى 8.24 سىنت تۆۋەنلەپ، بازار 3.64 ئامېرىكا دوللىرىلىق باھادا؛ 7 – ئايدا مال تاپشۇرىلىدىغان ھەر مىڭ كۇپ ئىنگىلىز چىسى تەبىئى گازنىڭ زاكاز باھاسى 25.2 سىنت ئۆرلەپ، بازار 12.22 ئامېرىكا دوللىرىلىق باھادا يېپىلدى.