تۆمۈريول مىنىستىرلىكى بېكىتكەن ‹‹ ئوقۇغۇچىلارنىڭ بېرىش– كېلىش بېلىتىنى بىجىرىش چارىسى›› غا ئاساسەن، ھەر يىلى ياز پەسلىدە، ئوقۇغۇچىلارنىڭ يېرىم باھالىق پويىز بېلىتى 6– ئاينىڭ 1–كۈنىدىن 9– ئاينىڭ 30– كۈنىگىچە سېتىلىدۇ. مۇخبىر ئۈرۈمچى جەنۇبىي پويىز ۋوگزالى بىلەت سېتىش چوڭ زالىدا پويىز بېلىتى سېتىۋېلىش ئۈچۈن كەلگەن ئوقۇغۇچىلارنىڭ ئايىغى ئۈزۈلمەيۋاتقانلىقىنى كۆردى. جەنۇبىي پويىز ۋوگزالىدىكى خىزمەتچى خادىمنىڭ تونۇشتۇرۇشىچە: ئاپتونوم رايونىمىزدىكى ئالىي مەكتەپلەردە ئوقۇغۇچىلارنىڭ تەتىلگە قويۇپ بېرىلىش ۋاقتى ۋاقچىراق بولغاچقا، ئوقۇغۇچىلارنىڭ پويىز بېلىتى سېتىۋېلىش يۇقىرى پەللىسى ئادەتتە 6–ئاينىڭ ئاخىرىدىن 7–ئاينىڭ باشلىرىغىچە بولىدىكەن. بۇ چاغدا پويىز ۋوگزالى مەركەزلىك بىلەت سېتىش، كوللىكتىپ بىلەت زاكاس قىلىش، مەكتەپلەرگە بىلەت ئاپېرىپ بېرىش قاتارلىق ئۇسۇللاردا ئوقۇغۇچىلارنىڭ بىلەت سېتىۋېلىشىغا قۇلايلىقلىق يارىتىپ بېرىدىكەن