سۈرەتتە ؛ مۇناسىۋەتلىك  مەسئۇللار مەكتەپلەرنىڭ بىخەتەرلىك جەھەتتىكى ئىشلەنگەن خىزمەتلىرنى تەكشۇرمەكتە

      ئىختىيارىي مۇخبىرىمىز نۇرمەمەت ئابلا خەۋىرى ، فوتوسى: قەشقەر كونىشەھەر ناھىيىسىنىڭ مۇش يېزلىق پارتكوم ، خەلق ھۆكۈمىتى مائارىپنى قوللاش ، مائارىپقا ياردەم بېرىشنى ئەمەلىي ھەركىتى ئارقىلىق ئىپادىلىدى. 
      مۇش يېزلىق پارتكوم ، خەلق ھۆكۈمىتى بۇ يىل 3- ئايدىن 5- ئاينىڭ ئاخىرىغىچە ، يېزا تەۋەسىدىكى ئوتتۇرا - باشلانغۇچ مەكتەپلەرنىڭ خەتەرلىك ، ئۆرۈلۈپ چۇشكەن 960 مېتىر ھويلا تېمىنى يېڭىلاپ قوپۇرۇپ بەردى. بۇ يېزا يەنى ئادەم كۇچى تەشكىللەپ ، يېزىلىق ئوتتۇرا مەكتەپكە 200 مو ، مەركىزىي باشلانغۇچ مەكتەپكە 300 مو يەرگە ئاق جىغان كۆچىتى تىكىپ بېرىپ ، مەكتەپنىڭ باشقۇرۇشىغا ئۆتكۈزۈپ بەردى. بىر مەكتەپكە  ۋاستىكبول مەيدانى قۇرۇپ بەردى. ھەرقايسى ئوتتۇرا – باشلانغۇچ مەكتەپلەرنىڭ يېشىللىق بەرپا قىلىشىغا ئەھمىيەت بېرىپ ، ئالتە مەكتەپنىڭ 18 مىڭ 900 كۋادىرات مېتىر تەنتەربىيە ، پۇتبۇل مەيدانلىرىغا چىم ياتقۇزۇپ كۆكەرتىپ بەردى. ھەرقايسى مەكتەپلەرنىڭ ئىچىدىكى بوشلۇقلارغا گۈللۈك بەرپا قىلىش ، چىم تېرىش ، گۈل كۆچۈرۈش ۋە سۇغۇرۇش قاتارلىق ئىشلارغا مەخسۇس خادىم ئاجىرتىپ ۋاقتىدا سۇغۇرۇپ ، مەكتەپنىڭ كۆكەرتىلىشىگە ئالاھىدە ئەھمىيەت بەردى . يېزدىن ۋە ئوتتۇرا – باشلانغۇچ مەكتەپلەردىن 50  كىشىلىك مەخسۇس تەكشۇرۇش گۇرۇپپىسى تەشكىللەپ ، مەكتەپلەرنىڭ بىخەتەرلىك خىزمەتلىرىنى ھاقتىدا تەكشۈرۈش ، كۆرۈلگەن بىخەتەرلىك مەسىلىلىرىنى ۋاقتىدا يېزىغا دوكىلات قىلىپ ، مەكتەپلەرنىڭ بىخەتەر ئورۇن ھازىرلىشىغا پۇختا ئاساس سالدى. تەكشۇرۇش گۇرۇپپىسىنىڭ ئەزالىرى مەكتەپ ئەتىراپىدىكى 200 مېتىر دائىردىكى يېمەكلىك ، سوغۇق ئىچىملىك دۇكانلىرىنى قەرەللىك تەكشۇرۇپ ، ئوقۇغۇچىلارنىڭ ئەخلەت يېمەكلىكلەردىن ، سوغۇق ئىچىملىكلەردىن زەھەرلىنىشىنىڭ ئالدىنى ئېلىپ ، مائارىپنىڭ ئىككى ئاساسەن خىزمىتىنى ياخشى ئىشلەشكە پۇختا ئاساس ياراتتى.

سۇرەتتە : ئىشچىلار مەكتەپ ھويلا تېمىنى مۇستەھكەملىمەكتە