خەلقئارا پىروۋوت بازىرىدا ئامېرىكا دوللىرى كۇرسىنىڭ ئومۇمىيۈزلۈك چۈشىشى خەلق پۇلىنىڭ ئامېرىكا دوللىرىغا ئايرىۋاشلىنىش نىسبىتىنىڭ زور دەرىجىدە ئۆرلىشىگە تۈرتكە بولدى. جۇڭگو تاشقى پىروۋوت سودا مەركىزىنىڭ ئەڭ يېڭى سانلىق مەلۇماتىدا كۆرسىتىلىشىچە، 21 – ماي خەلق پۇلىنىڭ ئامېرىكا دوللىرىغا ئايرىۋاشلىنىش ئارىلىق باھاسى 6 يۈەن 9 مو 6 پۇڭلۇق ئۆتكەلدىن ئۆتۈپ، 6 يۈەن 9 مو 5 پۇڭ 9.7 لىلىق باھا بىلەن خەلق پۇلى پىروۋوت نىسبىتىنىڭ شەكىللىنىش مىخانىزىمى ئىسلاھاتىدىن بۇيانقى يۇقىرى سەۋىيە يارىتىلغان. بۇ يىل كىرگەندىن بۇيان، خەلق پۇلىنىڭ ئامېرىكا دوللىرىغا ئايرىۋاشلىنىش نىسبىتىدە ئىلگىرى – كىيىن بولۇپ 36 قېتىم يېڭى سەۋىيە يارىتىلدى. بۇنىڭ بىلەن بۇ يىلدىن بۇيان خەلق پۇلى قىممىتىنىڭ ئۆرلەش دەرىجىسى 5 پىرسەنتكە يېقىنلاشتى. تۈنۈگۈن، بانكىلار ئارا تاشقى پىروۋوت بازىرىدا، بىر ئامېرىكا دوللىرى 6 يۈەن 9 مو 5 پۇڭ 9.7 لىغا، بىر ياۋرو 10 يۈەن 9 مو 3 لىغا، 100 ياپونىيە يىنى 6 يۈەن 7 مو 2 پۇڭ 3 لىغا، بىر شياڭگاڭ پۇلى 8 مو 9 پۇڭ 2 لىغا، بىر ئەنگىلىيە فوند سىتىرلىڭى 13 يۈەن 6 مو 9 پۇڭ 5 لىغا ئايرىۋاشلاندى.