دۆلەت تەرەققىيات ۋە ئىسلاھات كومىتېتى، دۆلەت ئاشلىق ئىدارىسى قاتارلىق ئورۇنلار يېقىندا بىرلىكتە ئۇقتۇرۇش تارقىتىپ: 9 – ئاينىڭ 30 – كۈنىگىچە بۇ يىللىق بۇغداينىڭ ئەڭ تۆۋەن سېتىۋېلىنىش باھاسىنى ئىجرا قىلىش لايىھىسىنى يولغا قويىدىغانلىقىنى ئۇقتۇردى. بۇ يىللىق بۇغداينىڭ ئەڭ تۆۋەن سېتىۋېلىنىش باھاسى ئاق بۇغداينىڭ ھەر كىلوگرامى 1 يۈەن 4 مۇ 14 پۇڭ، قىزىل بۇغداي، ئارىلاشما بۇغداينىڭ  ھەر كىلوگرامى 1 يۈەن 4 پۇڭ. بۇ باھا خېبېي، جياڭسۇ، ئەنخۈي، شەندۇڭ، خېنەن، خۇبېي قاتارلىق ئاساسلىق بۇغداي ئىشلەپچىقىرىدىغان ئالتە ئۆلكىدە ئىجرا قىلىنىدۇ. بۇغداينىڭ بازار باھاسى ئەڭ تۆۋەن سېتىۋېلىنىش باھاسىدىن تۆۋەن بولغاندا، جۇڭگو ئاشلىق زاپاس ساقلاش باش شىركىتى ۋە مۇناسىۋەتلىك ئۆلكىلەردىكى يەرلىك ئاشلىق زاپاس ساقلاشنى باشقۇرۇش شىركەتلىرى ئەڭ تۆۋەن سېتىۋېلىنىش باھاسىغا ئاساسەن، ئاساسلىق بۇغداي ئىشلەپچىقىرىدىغان رايونلاردا دېھقانلار تاپشۇرغان ئاشلىقنى ۋېۋىسكا ئېسىپ سېتىۋالىدۇ.