|
ئىختىيارىي مۇخبىرىمىز تۇرغۇنجان ئىمىن خەۋەر قىلىدۇ: مارالبېشى ناھىيىسىنىڭ شامال يېزا تېرەكلىك 7 – كەنتىدىكى پېشقەدەم پارتىيە ئەزاسى مۇھەممەد تۇرغۇننىڭ ‹‹مېھىر – شەپقەت مۇلازىمەت موتسىكلىتى›› كەنتتىكى ئوقۇغۇچىلارنىڭ قاتناش قىيىنچىلىقىنى ھەل قىلىپ، ئاتا – ئانىلارنى خاتىرجەم قىلىدى.
مۇھەممەد تۇرغۇن ھالال ئەمگىكى بىلەن بېيىدى. ئۇ كەنت باشلانغۇچ مەكتىپىدىكى ئوقۇغۇچىلارنىڭ مەكتەپكە بېرىپ – كېلىشتىكى قىينچىلىقىنى ھەل قىلىش ئۈچۈن، يېقىندا 5000 يۈەنگە ئۈچ چاقلىق موتسىكلىت سېتىۋېلىپ، كەنتتىكى 70 تىن كۆپرەك ئوقۇغۇچىنى تۆت كىلومېتىر يىراقلىقتىكى ئاقكۆل كەنت باشلانغۇچ مەكتىپىگە ھەقسىز توشۇپ، ئاممىنىڭ ياخشى باھاسىغا ئېرىشتى.
|
