* ئىختىيارىي مۇخبىرىمىز ئامىنە ھەمدۇل خەۋىرى ، فوتوسى: قاراشەھەر ناھىيسى يېقىنقى يىللاردىن بۇيان مائارىپ بىلەن ئىقتىساتنىڭ ماس قەدەمدە تەرەققىي قىلىشىنى ئىلگىرى سۈرۈش ئۈچۈن مائارىپ سېلىنمىسىنى ئاشۇرۇش بىلەن مائارىپ سېلىنمىسىغا كاپالەتلىك قىلىشنى بىرىنچى ئورۇنغا قويۇپ ، ئۇل ئەسلىھە قۇرۇلۇشىغا 42 مىليون 790 مىڭ يۈەن مەبلەغ سېلىپ مەكتەپلەرنىڭ ئوقۇتۇش شارائىتىنى تېخىمۇ ياخشىلىدى. ئۆتكەن  يىلىدىن بۇيان كۆپ خىل يوللار ئارقىلىق 2 مىليون 800 مىڭ يۈەن مەبلەغ توپلاپ ، ئوتتۇرا - باشلانغۇچ مەكتەپلەرگە تۈرلۈك تەنتەربىيە ، مۇزىكا ، گۈزەل - سەنئەت ماتېريال (سايمان) لىرىنى سەپلەپ بەردى. ناھىيە مالىيىسىدىن بىر مىليون 200 مىڭ يۈەن ئاجىرتىپ ، قىسمەن يېزا ، بازارلاردىكى ئوتتۇرا - باشلانغۇچ مەكتەپلەرنىڭ سىنىپلىرىنى رېمونت قىلدۇرۇپ بەردى . ناھىيىدىكى 41 مەكتەپكە 1066 يۈرۈش كومپىيۇتېرنى يېڭىدىن سەپلەپ بەردى .

سۈرەتتە: ئوقۇغۇچىلار كومپىيۇتېر مەشغۇلاتى ئېلىپ بارماقتا