ئىككى كۈن داۋام قىلغان ئاپتونوم رايون بويىچە تۇنجى نۆۋەتلىك ئاز سانلىق مىللەت ئوتتۇرا، باشلانغۇچ مەكتەپ ئوقۇغۇچىلىرىنىڭ قوش تىلدا كىتاب ئوقۇش، نۇتۇق سۆزلەش پائالىيىتى تۈنۈگۈن ئۈرۈمچىدە ئاخىرلاشتى، ئاپتونوم رايوننىڭ مۇئاۋىن رەئىسى جىن نو مۇكاپاتلاش، تەقدىرلەش يىغىنىغا قاتناشتى ھەمدە مۇكاپاتقا ئېرىشكەن ماھىرلارغا مۇكاپات تارقىتىپ بەردى.
     بۇ قېتىمقى نۇتۇق سۆزلەش پائالىيىتى مەملىكەت ۋە ئاپتونوم رايون بويىچە كەڭ كۆلەمدە چوڭقۇر قانات يايدۇرۇلغان ئومۇمىي خەلق كىتاب ئوقۇش ئېيى پائالىيىتىنىڭ تەركىبى قىسمى، شۇنداقلا ئاپتونوم رايوننىڭ زور كۈچ بىلەن قوش تىل ئوقۇتۇشى خىزمىتىنى ئىلگىرى سۈرۈش ھەرىكىتىنىڭ بىرى. ئىگىلىنىشىچە، ئاپتونوم رايونىمىزدىكى 5 مىللەتتىن بولغان 56 ماھىر نۇتۇق سۆزلەش پائالىيىتىگە قاتناشقان.