ئۈرۈمچى شەھىرىنىڭ رەھبەرلىرى قۇرۇلۇشقا ئۇل سالماقتا

  تۇنجى كاپالەت خاراكتىرلىك ئولتۇراق ئۆي تۈرى — تەڭرىتاغ كاڭجۈيۈەن مەھەللىسى قۇرۇلۇشى مۇشۇئاينىڭ 23–كۈنى باشلاندى. بۇنىڭ بىلەن ئۈرۈمچىنىڭ بۇ يىللىق كاپالەت خاراكتىرلىك ئولتۇراق ئۆي قۇرۇلۇشى رەسمى باشلاندى. تەڭرىتاغ كاڭ جۈيۈەن مەھەللىسىنىڭ ئومۇمىي قۇرۇلۇش كۆلىمى 71 مىڭ 788 كىۋادىرات مېتىر بولۇپ، 1 مىڭ 154 تۆۋەن كىرىملىك ئائىلىنىڭ ئولتۇراقلىشىش مەسىلىسىنى ھەل قىلىدۇ. بۇنىڭ ئىچىدە ئەرزان، قولاي ئۆي 810 يۈرۈش بولۇپ، كۆلىمى 49 مىڭ 962 كىۋادىرات مېتىر؛  ئىجارىسى ئەرزان ئۆي 344 يۈرۈش بولۇپ، كۆلىمى 16 مىڭ 168 كىۋادىرات مېتىر كىلىدۇ. ئاممىۋى قۇرۇلۇش كۆلىمى 5 مىڭ 658 كىۋادىرات مېتىرغا يىتىدۇ.