ئاپتونوم رايونىمىزدىكى 9 چوڭ شاماللىق رايوننىڭ بىرى بولغان ئېرتىش دەرياسى جىلغىسى ئاپتونوم رايونىمىز بويىچە ئەڭ چوڭ پاكىز ئېنېرگىيە كانىغا ئايلاندۇرۇلىدۇ. قابا ناھىيىسى دۆلىتىمىز بويىچە دۆلەت ئىگىلىكىدىكى 5 چوڭ ئېلېكتر ئىستانسىسى ئىچىدىكى خۇاديەن گۇرۇھى ۋە گوديەن گۇرۇھىنى پائال جەلب قىلدى، مۆلچەرلىنىشىچە، بۇ ئىككى گۇرۇھ يېقىنقى مەزگىلدە ئايرىم - ئايرىم ھالدا 450 مىليون يۈەندىن مەبلەغ سېلىپ ، بۇ ناھىيىنىڭ شامال ئېنېرگىيىسى بايلىقىنى ئاچىدىكەن. قابا ناھىيىسىنىڭ بىر يىلدىكى كۈندىلىك ئوتتۇرىچە شامال سۈرئىتى ھەر سېكونتىغا 4 مېتىر بولغان كۈن سانى ئوتتۇرا ھېساب بىلەن 187 كۈنگە يېتىدىكەن، ئەڭ كۆپ بولغاندا 280 كۈنگە يېتىدىكەن. خۇاديەن گۇرۇھى 6 - ئايدا ئېلېكتر ئىستانسىسى قۇرۇلۇشى لايىھىسىنى تاماملايدىكەن.