تۈنۈگۈن ئۈرۈمچى شەھىرىدە ئىجتىمائىي كاپالەت خاراكتېرىدىكى تۇرالغۇ ئۆي تەڭرىتاغ كاڭجۈيەن ئولتۇراق رايونىدا رەسمىي ئىش باشلاندى. بۇ قېتىمقى ئىش باشلىغان قۇرۇلۇشنىڭ ئومۇمىي كۆلىمى 70 نەچچە مىڭ كۋادرات مېتر كېلىدىغان بولۇپ ، 1154 يۈرۈش ئۆي سېلىش پىلانلاندى. مۆلچەرلىنىشىچە ، بۇ قۇرۇلۇش بۇ يىل 10– ئايدا پۈتىدىغان بولۇپ ، يەككە ئۆيلەرنىڭ تۇرالغۇ كۆلىمى 40 كۋادرات مېتىردىن 70 كۋادرات مېتىرغىچە ئىكەن . بۇ يىل ئۈرۈمچى شەھىرىدىكى ئىجتىمائىي كاپالەت خاراكتېرىدىكى تۇرالغۇ ئۆيلەرنىڭ قۇرۇلۇش ئومۇمىي كۆلىمى 900 نەچچە مىڭ كۋادرات مېتىرغا يېتىدىغان بولۇپ ، باشقا قۇرۇلۇشلاردا پات ئارىدا ئىلگىرى–كېيىن بولۇپ ئىش باشلىنىدىكەن.