20– ئاپرېل  2008– يىللىق بېيجىڭ ئولىمپىك تەنھەرىكەت مۇسابىقىسى پۇتبول مۇسابىقىسىگە قاتنىشىدىغان كوماندىلار بېيجىڭدا چەك تارتىپ  گۇرۇپپىلارغا بۆلۈندى، جۇڭگو ئولىمپىك پۇتبول كوماندىسى يېڭى زېللاندىيە، بېلگىيە، برازىلىيە كوماندىلىرى  بىلەن بىرگە C گۇرۇپپىغا بۆلۈندى .

     چەك تارتىش مۇراسىمىغا خەلقئارا پۇتبولچىلار بىرلەشمىسىنىڭ رەئىس برات قاتارلىق يۇقىرى دەرىجىلىك ئەمەلدارلار قاتناشتى .2008–يىللىق بېيجىڭ ئولىمپىك تەنھەرىكەت مۇسابىقىسى پۇتبول مۇسابىقىسىگە ئەرلەر گۇرۇپپىسى بويىچە 16 كوماندا ، ئاياللار گۇرۇپپىسى بويىچە 12 كوماندا قاتنىشدۇ .

     ئەرلەر گۇرۇپپىسى بويىچە كوتې دى ئىئوۋېر ، ئارگېنتىنا، ئاۋسترالىيە ، سېربىيە كوماندىلىرىA گۇرۇپپىغا ؛ گوللاندىيە ، نىگېرىيە، ياپونىيە ، ئامېرىكا كوماندىلىرى B گۇرۇپپىغا؛ جۇڭگو ، يېڭىزېلاندىيە ، بېلگىيە، برازىلىيە كوماندىلىرى C گۇرۇپپىغا ؛ كورىيە ، كامېرون ، ھوندۇراس، ئىتالىيە كوماندىلىرىD گۇرۇپپىغا  بۆلۈندى . جۇڭگو كوماندىسى 7– ئاۋغۇست شېنياڭدا يېڭى زېلاندىيە كوماندىسى بىلەن، 10– ئاۋغۇست بېلگىيە كوماندىسى بىلەن، 13– ئاۋغۇست چىڭخۇاڭداۋدا برازىلىيە كوماندىسى بىلەن مۇسابىقىلىشىدۇ .

     شۇ كۈنكى چەك تارتىپ گۇرۇپپىلارغا بۆلۈنۈشتە ئاياللار پۇتبول كوماندىسى شۋېتسىيە ، ئارگېنتىنا ، كانادا كوماندىلىرى بىلەن بىرگەE  گۇرۇپپىغا بۆلۈندى . بۇ گۇرۇپپىدىكى جۇڭگو
كوماندىسى بىلەن مۇسابىقىلىشدىغان كوماندىلارنى ئانچەكۈچلۈك دەپ كەتكىلى بولمايدۇ .

     ئاياللار گۇرۇپپىسى بويىچە يەنە چاۋشيەن  ،نىگېرىيە ، گېرمانىيە ، برازىلىيە كوماندىلىرى Fگۇرۇپپىغا ؛ نورۋېگىيە ، ئامېرىكا ، ياپونىيە ، يېڭى زېلاندىيە كوماندىلىرى G گۇرۇپپىغا بۆلۈندى .جۇڭگو كوماندىسى 6– ئاۋغۇست تيەنجىندە شۋېتسىيە كوماندىسى بىلەن ، 9– ئاۋغۇست  كانادا كوماندىسى بىلەن ، 12– ئاۋغۇست چىڭخۇاڭداۋدا  ئارگېنتىنا كوماندسى بىلەن مۇسابىقىلىشىدۇ . 

 شىنخۇا ئاگېنتلىقى