دۆلەت ئىستاتىستىكا ئىدارىسى 8 – ئاپرېل ئېلان قىلغان مەملىكەت بويىچە كارخانىلار ۋەزىيىتىنى تەكشۈرۈش نەتىجىسىدە كۆرسىتىلىشىچە، بۇ يىل 1 –پەسىلدە، كارخانىچىلارنىڭ ئىشەنچ كۆرسەتكۈچى داۋاملىق يۇقىرى ئورۇندا تۇرۇپ، ئالدىنقى پەسىلدىكى بىلەن تەڭلەشكەن. تەكشۈرۈشتە كۆرسىتىلىشىچە، 56 پىرسەنت كارخانىچى بۇ يىل ئۆزلىرى تەۋە كەسپكە قارىتا ئۈمىتۋار پوزىتسىيىدە بولغان؛ 61.1 پىرسەنت كارخانىچى بۇ يىل كارخانىسىنىڭ ئىشلەپچىقىرىش تىجارەت ئەھۋالى يەنىلا ياخشى بولىدۇ، دەپ قارىغان. بۇ ھال كۆپ قىسىم كارخانىچىلارنىڭ نۆۋەتتىكى ۋە كەلگۈسىدىكى ماكرولۇق ئىقتىسادى تەرەققىياتقا قارىتا يەنىلا ياخشى قاراشتا ئىكەنلىكىنى بىلدۈرىدىكەن.