جۇڭگو خەلق بانكىسى مۇشۇ ئاينىڭ 12 - كۈنى ئېلان قىلغان 2 - ئايلىق پۇل مۇئامىلە ئىستاتىستىكىلىق مەلۇماتىدا كۆرسىتىلىشىچە، 2 - ئايدا، پۇل مۇئامىلە ئاپپاراتلىرىنىڭ خەلق پۇلى كىردىت قەرزى 243 مىليارد 400 مىليون يۈەن كۆپىيىپ، بۇلتۇرقىنىڭ ئوخشاش مەزگىلىدىكىدىن 170 مىليارد 400 مىليون يۈەن ئازلىغان، 1 - ئايدىكى 803 مىليارد 600 مىليون يۈەنلىك يېڭىدىن كۆپەيگەن كىردىت قەرزىدىن 560 مىليارد يۈەن ئاز بولغان. 2 - ئاينىڭ ئاخىرىدا، خەلق پۇلى كىردىتى بۇلتۇرقىنىڭ ئوخشاش مەزگىلىدىكىدىن 15.73 پىرسەنت كۆپ بولۇپ، ئېشىش دەرىجىسى 2006 - يىلىنىڭ ئاخىرىدىكىدىن 0.37 پوئىنت، 1 - ئاينىڭ ئاخىرىدىكىدىن 1.01 پوئىنت تۆۋەن بولغان. 1 - ۋە 2 - ئايدا، خەلق پۇلى تۈرلۈك كىردىت قەرزى 1 تىرلىيون 49 مىليارد 200 مىليون يۈەن بولۇپ، بۇلتۇرقىنىڭ ئوخشاش مەزگىلدىكىسىدىن 69 مىليارد 200 مىليون يۈەن كۆپ بولغان.