2008–يىللىق بېيجىڭ ئولىمپىك تەنھەركەت مۇسابىقىسىنىڭ يېقىنلىشىشىغا ئەگىشىپ ، دۇنيا خەلقى بۇ مۇسابىقىنىڭ باشلىنىش مۇراسىمىنىڭ قانداق بولىدىغانلىقىغا دىققەت قىلىشقا باشلىدى. مۇسابىقىنىڭ باشلىنىش مۇراسىمى 8–ئاۋغۇست ئۆتكۈزىلىدۇ، ھاززىر تەييارلىق خىزمەتلەر جىددىي ئىشلەنمەكتە.

    داڭلىق رېژىسسور، 2008–يىللىق بېيجىڭ ئولىپپىك تەنھەركەت مۇسابىقىسى باشلىنىش–يېپىلىش مۇراسىمىنىڭ رېژىسسورى جاڭ يىمو يېقىندا مۇنداق دېدى: 2008–يىللىق بېيجىڭ ئولىمپىك تەنھەركەت مۇسابىقىسىنىڭ باشلىنىش مۇراسىمى ئۆزگىچە بولىدۇ ، باشلىنىش مۇراسىمى ئۈچ يېرىم سائەت داۋاملىشىدۇ، بۇنىڭ ئىچىدە ئەدەبىيات–سەنئەت نومۇرلىرىنى ئورۇنلاشقا بىر سائەت ۋاقىت كېتىدۇ، ھەرقايسى دۆلەت تەنتەربىيە ۋەكىللەر ئۆمىكىنىڭ مەيدانغا كىرىشىگە ئىككى سائەت ۋاقىت كېتىدۇ. ھازىر خەلقئارا ئولىمپىك كومىتېتى باشلىنىش مۇراسىمىنىڭ تەييارلىق ئەھۋالىدىن ئىنتايىن رازى.

   جاڭ يىمو يەنە مۇنداق دېدى: باشلىنىش مۇراسىمىنىڭ ئۆزگىچىلىكىنى ، خاسلىقىنى گەۋدىلەندۈرۈپ ، خەلقىمىزگە خۇشاللىق بېغىشلاش ئۈچۈن تىرىشىمەن .