بېيجىڭ ئولىمپىك تەشكىلىي كومىتېتى ئولىمپىك كەنتى بۆلۈمىنىڭ مۇئاۋىن باشلىقى دېڭ ياپېڭنىڭ تونۇشتۇرۇشىچە ، ئولىمپىك كەنتى 27 – ئىيۇل ئېچىۋېتىلىپ ، 27 – ئاۋغۇست تاقىلىدىكەن .  ئولىمپىك كەنتى مېيىپلار ئولىمپىك كەنتىگە ئالماشتۇرۇلىدىكەن . مېيىپلار ئولىمپىك كەنتى بۇ يىل 30 – ئاۋغۇست ئېچىۋېتىلىپ ، 20 – سېنتەبىر تاقىلىدىكەن .

   ئولىمپىك مۇسابىقىسى مەزگىلىدە 1 – نومۇرلۇق ئاخبارات ۋاستىلىرى كەنتىگە 6000 مۇخبىر ، 2 – نومۇرلۇق ئاخبارات ۋاستىلىرى كەنتىگە 1000 مۇخبىر ئورۇنلاشتۇرۇلىدىكەن .

   ئىگىلىنىشچە ، ئولىمپىك كەنتىنىڭ ئومۇمىي كۆلىمى 66 گېكتار بولۇپ ، ئولىمپىك تەنھەركەت يىغىنى مەزگىلىدە 16 مىڭدىن ئارتۇق تەنھەركەتچى ۋە ىادىم يېڭىدىن سېلىنغان ئولىمپىك كەنتىگە ئورۇنلىشىدىكەن . مېيىپلار ئولىمپىك تەنھەركەت يىغىنى مەزگىلدە ، 4000 دىن ئارتۇق تەنھەركەتچى ۋە 2200 دىن ئارتۇق خادىم مېيىپلار ئولىمپىك كەنتىگە ئورۇنلىشىدىكەن .