دۇنيادىكى ئاساسلىق ئاپتوموبىل بازارلىرىنىڭ ئەھۋالى ياخشى بولمىغان ئەھۋالدا، بۇلتۇر دۆلىتىمىزنىڭ ئاپتوموبىل ئىشلەپچىقىرىش، سېتىش مىقدارى داۋاملىق تېز سۈرئەتتە ئاشتى. جۇڭگو ئاپتوموبىل سانائىتى جەمئىيىتى 13 – يانۋار  ئېلان قىلغان ئەڭ يېڭى ئىستاتىستىكىدا كۆرسىتىلىشىچە، بۇلتۇر دۆلىتىمىزنىڭ ئاپتوموبىل ئىشلەپچىقىرىش، سېتىش مىقدارى ئايرىم - ئايرىم ھالدا 8 مىليون 800 مىڭدىن ئېشىپ ۋە ئۇنىڭغا يېقىنلىشىپ، يەنە بىر قېتىم يېڭى تارىخى سەۋىيە يارىتىلغان.