مۇخبىرنىڭ ئاپتونوم رايونلۇق دۆلەت باج ئىدارىسىدىن ئىگىلىشىچە، 2007- يىلى 12 - ئاينىڭ 20 - كۈنىگىچە، ئاپتونوم رايونلۇق دۆلەت باج سىستېمىسىنىڭ باج كىرىمى 37 مىليارد 20 مىليون يۈەنگە يېتىپ، 2006- يىلىنىڭ شۇ مەزگىلىدىكىدىن %15.3 ئېشىپ،  10 كۈن بۇرۇن پۈتۈن يىللىق باج كىرىم ۋەزىپىسىنى ئورۇنداپ بولغان.

   ئاپتونوم رايونلۇق دۆلەت باج ئىدارىسى پىلان - ئىسىتاتىستىكا باشقارمىسى مەسئۇلىنىڭ دېيىشىچە، ئاپتونوم رايونىمىزنىڭ سانائەت ئىقتىسادى تېز سۈرئەتتە ئاشقانلىقتىن، نېفىتتىن باشقا باج كىرىمى ئاپتونوم رايونىمىزنىڭ دۆلەت باج كىرىمىنىڭ موقىم ئېشىشىدىكى موھىم ئامىل بولۇپ قالغان، 2007- يىلى 1 - ئايدىن 9 - ئايغىچە خەلقئارا نېفىت باھاسىنىڭ ئىگىز - پەس بولۇشىدىن كېلىپ چىققان ئاپتونوم رايونىمىزنىڭ دۆلەت باج كىرىمى قوشۇلما قىممەت بېجىنىڭ تۆۋەنلەپ كېتىش ئەھۋالىنى ئۆزگەرتكەن .