(تەڭرىتاغ تورى خەۋىرى)

   نېفىت سودىگەرلىرىنىڭ ئامېرىكىنىڭ سودا خاراكتىرلىك خام نېفىت زاپىسىنىڭ داۋاملىق تۆۋەنلەپ كېتىشىدىن ئەنسىرىشىنىڭ تەسىرىدە، مۇشۇ ئاينىڭ 26 - كۈنى خەلقئارا بازاردا خام نېفىت قەرەللىك مال باھاسى زور دەرىجىدە ئۆرلىدى. بۇ كۈنى، نيويورك تاۋار بېرژىسىدا كېلەر يىلى 2 - ئايدا مال تاپشۇرىلىدىغان ھەر باك يېنىك خام نېفىتنىڭ قەرەللىك مال باھاسى 1.84 ئامېرىكا دوللىرى ئۆرلەپ، بازار 95.97 ئامېرىكا دوللىرىلىق باھادا يېپىلدى. لوندون خەلقئارا نېفىت سودا بېرژىسىدا كېلەر يىلى 2 - ئايدا مال تاپشۇرىلىدىغان ھەر باك خام نېفىتنىڭ قەرەللىك مال باھاسى 1.24 ئامېرىكا دوللىرى ئۆرلەپ، بازار 93.94 ئامېرىكا دوللىرىلىق باھادا يېپىلدى.