مۇشۇ ئاينىڭ 24- كۈنىدىن باشلاپ، ئاپتونوم رايون بويىچە 2008- يىللىق ئالىي مەكتەپ ئىمتىھانىنىڭ سەنئەت تۈرىدىكى كەسىپلەرگە ئىمتىھان بېرىدىغان ئوقۇغۇچىلار تىزىمغا ئالدۇرۇش خىزمىتى باشلاندى. تىزىمغا ئالدۇرۇش ۋاقتى 2008- يىلى 1- ئاينىڭ 10- كۈنى ئاياغلىشىدۇ، ئۆتۈپ كەتسە تولۇقلاپ تىزىمغا ئالدۇرۇشقا بولمايدۇ. 2007- يىل بىلەن سېلىشتۇرغاندا، 2008- يىللىق سەنئەت تۈرىدىكى كەسىپلەرگە تىزىمغا ئالدۇرۇش، ئىمتىھان بېرىش ۋاقتى ئالدىغا سۈرۈلدى. ئاپتونوم رايون بويىچە گۈزەل- سەنئەت تۈرىدىكى كەسىپلەرگە بىر تۇتاش ئىمتىھان بېرىش مەيدانى ئۈرۈمچى، كۈيتۈن، قەشقەردىن ئىبارەت ئۈچ جايغا تەسىس قىلىندى، تىزىمغا ئالدۇرۇش ۋاقىت 2008- يىلى 1- ئاينىڭ 16- كۈنىدىن 17-كۈنىگىچە بولىدۇ، بىر تۇتاش ئىمتىھان 2008- يىلى 1- ئاينىڭ 18- كۈنى يۇقارقى ئۈچ ئىمتىھان نۇقتىسىدا بىرلا ۋاقىتتا ئېلىنىدۇ.