(تەڭرىتاغ تورى خەۋىرى)

    بۇ يىل ئالىي مەكتەپنى پۈتتۈرگەن ئوقۇغۇچىلار ئاپتونوم رايونلۇق ئىختىساسلىقلار بازىرى ئويۇشتۇرغان مۇشۇ ئاينىڭ 18- كۈنىدىن 24- كۈنىگىچە ئېلىپ بېرىلىدىغان 5– نۆۋەتلىك ئالىي مەكتەپنى پۈتتۈرگەن ئوقۇغۇچىلارغا مۇلازىمەت قىلىش ھەپتىسى تەكلىپ قىلىش يىغىنىغا ھەقسىز قاتنىشالايدىكەن.

    ئىگىلىنىشچە،  مۇلازىمەت ھەپتىسىدە، جايلاردىكى كادىرلار تارماقلىرىنىڭ ئىختىساسلىقلار مەركىزى ، ئىختىساسلىقلار بازىرى نەق مەيداندا تەكلىب قىلىش يىغىنى ئۆتكۈزۈش بىلەن بىرگە، ئىنتىرنېت تورى ئارقىلىق تەكلىب قىلىش يىغىنىمۇ ئۆتكۈزۈلىدىكەن .  ئوقۇغۇچىلار مەملىكەتنىڭ ھەر قايسى جايلىرىدىكى ئادەم ئىشلىتىدىغان ئورۇنلارنىڭ تەكلىب قىلىش ئۇچۇرىدىن خەۋەردار بولۇپلا قالماي، يەنە كادىرلار تارماقلىرىنىڭ ئىختىساسلىقلار بازىرى ئاممىۋى ئۇچۇر تورىدا خىزمەت ئىزدەش قىسقىچە تەرجىمىھالىنى ھەقسىز ئېلان قىلالايدىكەن .