كۆرۈنمەس كۆزەينەك كۆز مۈڭگۈز پەردىسى ئۈستىگە ئورنىتىلىدىغان بولۇپ ، ئۇ كۆزنىڭ فۇكۇسىنى تەڭشەيدۇ . كۆز قارىچۇقى ھەرىكەتلەنگەندىكى ياش ئارقىلىق مۈڭگۈز پەردىسىنى ئوكسېگىن بىلەن تەمىنلەيدۇ ھەمدە ماددا ئالمىشىش جەريانىدىكى چىقىرىندىلارنى چىقىرىۋېتىدۇ . ھامىلدارلىق باسقۇچىدا بەدەن ئېغىرلىقى 11 كىلوگرام ئاشىدۇ ھەمدە بەدەندە تەخمىنەن 6.5 لېتىر سۇ تەركىبى بولىدۇ . كۆز مۈڭگۈز پەردىسىدە %70 سۇ تەركىبى بولىدۇ . شۇڭا كۆز مۈڭگۈز پەردىسى ھامىلدارلىق مەزگىلىدىكى سۇ تەركىبىنى ئەڭ چوڭ تەسىرگە ئۇچرىتىدىغان ئەزا ھېسابلىنىدۇ .

    تەتقىقاتلارغا ئاساسلانغاندا ، ھامىلدارلىق مەزگىلىدە كۆز مۈڭگۈز پەردىسىنىڭ قېلىنلىقى تەخمىنەن %3 ئاشىدىكەن . يەنە بىر جەھەتتىن ئېيتقاندا ، كۆز مۈڭگۈز پەردىسىنىڭ سەزگۈزلۈكى ھامىلدارلىق مەزگىلىدە تۆۋەنلەيدىكەن ھەم كۆز مۈڭگۈز پەردىسىنىڭ رادىئاتسىيىسى ۋە كۆز قارىچۇقىنى قوغداش ئىقتىدارىغا تەسىر كۆرسىتىدىكەن . بۇ خىل ئەھۋال تۇغۇتتىن كېيىنكى ئالتە ھەپتىدىن سەككىز ھەپتىگىچە بولغان جەرياندا ئەسلىگە كېلىدىكەن . شۇڭا ھامىلدارلار كۆرۈنمەس كۆزەينەك تاقاش قېتىم سانى ۋە تاقاش ۋاقتىنى ئازايتىشى ، بولۇپمۇ ھامىلدارلىق مەزگىلىنىڭ ئەڭ ئاخىرقى ئۈچ ئېيىدا كۆرۈنمەس كۆزەينەك تاقىماي ، ئادەتتىكى كۆزەينەك تاقىشى كېرەك .

گۈلنۇر تۆمۈر تەرجىمىسى