نۇرغۇن ياش ئانىلاردا كارىۋاتتا يېتىپ تۇرۇپ بالا ئېمىتىدىغان ئادەت بار ، بولۇپمۇ كېچىدە بۇنداق ئەھۋاللار تېخىمۇ كۆپ . بۇنداق قىلغاندا بوۋاقلارنىڭ ناھايتى ئاسان جىددىي خاراكتېرلىك يىرىڭلىق ئوتتۇرا قۇلاق ياللۇغىقا گىرىپتار بولۇپ قالىدىغانلىقى تەتقىقاتلاردىن ئىسپاتلانغان . چۈنكى بوۋاقنىڭ ئېممۇنىتېت كۈچى ئاجىز بولغاچقا ، كېسەللىك ۋىرۇسى ئوتتۇرا قۇلاق بوشلۇقىغا كىرىپ كېتىدىكەن . بوۋاقلارنىڭ يۇتقۇنچاق ناغرا قانىلى قىسقا ، ئورنى تەكشى ھەم تۆۋەن بولغاچقا ، ئانىلار يېتىپ بالا ئېمىتكەندە ، باكتېرىيە ئاجرالمىلىرى ياكى بالا قۇسقاندىكى ئاجرالما ماددىلار ئاسانلا قۇلاققا كىرىپ كېتىپ ، جىددىي خاراكتېرلىك يىرىڭلىق ئوتتۇرا قۇلاق ياللۇغىنى پەيدا قىلىدىكەن . شۇڭا بالا ئېمىتكەندە چوقۇم بوۋاقنىڭ بېشىنى 45 گرادۇس كۆتۈرۈش لازىم .

رۇقىيە تەييارلىغان