قوزغىلىشچان يىلىك ئۆسمىسى قان سۇيۇقلۇقى سېستىمىسىدىكى يامان سۈپەتلىك ئۆسمىگە تەۋە بولۇپ ، ئاساسلىق ئالامەتلىرى ، دەسلەپكى مەزگىلدە ئانچە ئاغرىمايدۇ . ئەمما ئاخىرقى مەزگىلگە بارغاندا ئۇستىخان قاتتىق ئاغرىيدۇ . ئەگەر قوزغىلىشچان يىلىك ئۆسىمىسىگە گىرىپتار بولغانلىقىغا ئېنىق دىئاگنوز قويۇلغان ئاغرىقلار ئۆسمىنىڭ ئۆسۈشىنى تىزگىنلەيدىغان لامنارىيە (خەيدەي) ، دېڭىز يوسۇنى (زىسەي) ، ئۆرۈك مېغىزى قاتارلىقلارنى كۆپرەك يېيىشى كېرەك . ئۇنىڭدىن باشقا يۇقىرى كالورىيىلىك ، يۇقىرى ئاقسىللىق ، ۋىتامىن تەركىبى يۇقىرى يېمەكلىكلەرنى ، ئاسان ھەزىم بولىدىغان ۋە سۇيۇق – سەلەڭ تاماقلارنى كۆپرەك ئىستېمال قىلىشى كېرەك .

      ئەگەر يىلىك ئۆسمىسى بولۇپ قالغان ئاغرىقلاردا يەنە قان ئازلىق ، سۆڭەك سۇنۇپ كېتىش ، تال ئىششىپ قېلىش ئەھۋاللىرى كۆرۈلسە ، دېڭىز يوسۇنى ، كۈدە ، دولانە ، دەريا تاشپاقىسى ، ياڭاق ، راك ، كۈنجۈت ، يىلانبېلىق قاتارلىقلارنى يەپ بېرىشى كېرەك . بۆرەك ئىقتىدارى توسقۇنلۇققا ئۇچرىغۇچىلار تۇزسىزراق يېمەكلىكلەرنى يېيىشى ، ھەقىقىي ھۈجەيرىنىڭ ئۆسۈشى سەۋەبىدىن كېلىپ چىققان قوزغىلىشچان قان پىلاستىنكىلىرى كۆپىيىش كېسىلى بولغان ئاغرىقلار يەر ياڭىقى ۋە ئۈزۈم قاتارلىقلارنى كۆپرەك يېيىشى كېرەك .

رۇقىيە مۇھەممەترېھىم تەرجىمىسى