ئۆتىگە تاش چۈشكەن بىمارلار دورا بىلەن داۋالىنىشتىن سىرت يەنە ئىلمىي بولغان ئوزۇقلىنىش ئادىتىنىمۇ يېتىلدۈرۈش ۋە يېمەك–ئىچمەك تازلىقىغىمۇ ئالاھىدە  ئەھمىيەت بېرىشى كېرەك .

    ئۆتىگە تاش چۈشكەن بىمارلار كۆپ ئىستېمال قىلىپ بېرىشقا تېگىشلىك يېمەكلىكلەر :

    1.تەركىبىدە ۋېتامىن مول بولغان يېمەكلىكلەرنى كۆپرەك ئىستېمال قىلىش.مەسلەن ، يېشىل كۆكتات ، سەۋزە ، شوخلا ، ئالما ، بانان قاتارلىق كۆكتات - مېۋىلەرنى كۆپرەك ئىستېمال قىلىپ بېرىش كېرەك.

    2.ئادەتتە تاماق ئەتكەندە ئۆسۈملۈك يېغىنى ئىشلىتىش ، ھايۋانات يېغىنى ئامال بار ئىشلەتمەسلىك كېرەك.

   3.ئورۇق گۆش ، بېلىق ، توخۇ ، لامىنارىيە ، ياڭاق قاتارلىقلارنى كۆپرەك ئىستېمال قىلىش كېرەك .

    4.ئەتىگەندە چوقۇم ناشتا قىلىش ، ئۇزاق ۋاقىت ئاچ يۈرمەسلىك كېرەك .

    ئىستېمال قىلىشقا بولمايدىغان يېمەكلىكلەر:

    1.ھايۋانات يېغى قاتارلىق تەركىبىدە خولېستېرىن مىقدارى كۆپ يېمەكلىكلەرنى ئىستېمال قىلماسلىق كېرەك .

     2.تەركىبىدە ياغ مىقدارى يۇقىرى يېمەكلىكلەرنى ئىستېمال قىلماسلىق كېرەك .

     3. تاماقنى زىيادە تويۇپ يېمەسلىك كېرەك . چۈنكى زىيادە تويۇپ غىزالانغاندا ئۆت سۇيۇقلۈقىنىڭ كۆپ مىقداردا ئاجرىلىپ چىقىشىنى ئىلگىرى سۈرۈپ ، ئۆت خالتىسىنىڭ قىسقىرىشىنى كەلتۈرۈپ چىقىرىدۇ ، نەتىجىدە ، بۇ ئاسانلا ئۆت ياللۇغىنىڭ قوزغىلىشىنى پەيدا قىلىدۇ.

    4. كۈچلۈك غىدىقلاش تەسىرىگە ئىگە يېمەكلىكلەرنى ئىستېمال قىلماسلىق كېرەك . مەسلەن،قىزىلمۈچ ، كۆكمۈچ قاتارلىقلار.

  5.تاماكا چەكمەسلىك،ھاراق ۋە قەھۋە قاتارلىق كۈچلۈك غىدىقلاش تەسىرىگە ئىگە ئىچىملىكلەرنى ئىمكانقەدەر ئىچمەسلىك كېرەك.

 مۇتەللىپ ياقۇپ تەرجىمىسى