چامغۇر ھەم  ئېسىل يېمەكلىك ، ھەم كېسەلگە شىپا بولىدىغان ئۈنۈملۈك دورا بولۇپ ، ئۆپكىنى قوغداش ، ئۆپكىنى تازىلاش، بەدەننى قۇۋۋەتلەش، يۆتەل توختىتىش، بۆرەكنى كۈچلەندۈرۈش، جىگەرنى ياخشىلاش، كۆزنى روشەنلەشتۈرۈش قاتارلىق كۆپ خىل ئىقتىدارغا ئىگە ئىسىل كۆكتاتلارنىڭ بىرى. قەدىمىي دورىگەرلىك قامۇسلىرىدا خاتىرلىنىشىچە ، چامغۇر چاچ ئۆستۈرۈش، چاچ قارايتىش، چاچ چۈشۈپ كېتىشنىڭ ئالدىنى ئېلىش، نەپەس ، ھەزىم قىلىش يوللىرىنى راۋانلاشتۇرۇش، بارلىق ئىچكى ئەزالارنى قۇۋۋەتلەش، زۆرۈر بولغاندا ۋىتامىن، كالىتسىي بىلەن تەمىنلەش، بوغۇملار ھەركىتىنى راۋانلاشتۇرۇش، گال قۇرۇش، نەپەس سىقىلىش، سۆڭەكنى چىڭىتىش قاتارلىق ئىقتىدارلارغا ئىگە دەپ خاتىرلەنگەن.

   چامغۇر تەركىبىدە دورىلىق ۋە شىپالىق تەركىپلەر كۆپ بولغاچقا، قانچىلىك ئىستېمال قىلسا شۇنچىلىك ئۈنۈمى كۆرۈلىدۇ. بەدەننى ئومۇميۈزلۈك تەڭشەيدۇ. ئۇزاق مۇددەت ئىستېمال قىلسا ساغلام بولىدۇ، ئۆمۈرنى ئۇزارتىدۇ.