ئۈزۈم ، ئالما قاتارلىق مېۋىلەرنىڭمۇ راك كېسىلىنىڭ ئالدىنى ئېلىش رولى بار . تەتقىقاتتىن بايقىلىشچە ، B تىپلىق جىگەر ياللۇغى ۋىرۇسىنى ئېلىپ يۈرگۈچىلەر ، دائىم كۆكىرىپ قالغان يېمەكلىكلەرنى ئىستېمال قىلغۇچىلار ، شۇنىڭدەك جەمەتىدە ئىرسىيەت كېسەللىكى بارلار ، ئەگەر ئۇزاق مۇددەت ئالما ، ئۈزۈم قاتارلىق مېۋىلەرنى ئىستېمال قىلىپ بەرسە ، جىگەر راكىنىڭ ئۈنۈملۈك ئالدىنى ئالغىلى بولىدىكەن .

    مۇتەخەسسىسلەر مېۋىنى مۇۋاپىق ئىستېمال قىلىشقا دائىر مۇنداق ئۈچ تەكلىپنى ئوتتۇرىغا قويدى : 1 . كۈندە ئاز دېگەندىمۇ ئۈزۈم ، ئالما ، ئاپلېسىن قاتارلىق ئىككى خىلدىن ئارتۇق مېۋىنى ئىستېمال قىلىش كېرەك ، ئەگەر شۇنىڭ بىلەن بىللە چېچەك سەي ، شوخلا ، سەۋزە قاتارلىق ئۈچ خىلدىن ئارتۇق كۆكتاتنى ماسلاشتۇرۇپ ئىستېمال قىلىپ بەرسە ئۈنۈمى تېخىمۇ ياخشى بولىدۇ ؛ 2 . ئۈزۈم ، ئالما قاتارلىق مېۋىلەرنى سۇغا چىلاپ قۇيۇپ ، تازىلانغاندىن كېيىن پوستى بىلەن قوشۇپ ئىستېمال قىلىش كېرەك ؛ 3 . كۈندە ئىستېمال قىلىدىغان كۆكتات ۋە مېۋىنىڭ مىقدارى 400–500 گرامدىن كەم بولماسلىقى ، خىللىرى ئىمكانقەدەر كۆپرەك بولۇشى كېرەك .

ئەھەد موسا تەرجىمىسى