لىپەك  سۆڭىكىنىڭ يۇمشاپ كېتىشى كۆپىنچە ھەرىكەتنىڭ ھەددىدىن ئارتۇق بولۇپ كېتىشى ياكى ھەرىكەتنىڭ مۇۋاپىق بولماسلىقىدىن كېلىپ چىقىدۇ . شۇڭلاشقا ھەرىكەت قىلغاندا تۆۋەندىكى بىر قانچە نۇقتىغا دىققەت قىلىش لازىم .

     1 . تەكشى ، مۇۋاپىق ھەرىكەتلىنىش مەيدانىنى تاللاش ، بەك قاتتىق ياكى ئوڭغۇل – دوڭغۇل جايدا ھەرىكەت قىلماسلىقى لازىم .

     2 . مۇۋاپىق تىزلىق ئىشلىتىپ لىپەكنى قوغداش ، مۇۋاپىق تەنھەرىكەت ئايىقى تاللاش لازىم .

     3 . ھەرىكەتتىن بۇرۇن 10–15 مىنۇت بەدەن قىزىتىپ ، بەدەندىكى ھەر قايسى بوغۇملارنى ھەرىكەتلەندۈرۈش ، بوغۇملارنىڭ ئەتراپىدىكى پەيلەرنى ، تومۇرلارنى ئۇزارتىپ ، ھاۋا بىلەن قاننى راۋانلاشتۇرۇش لازىم .

    4 . سەكرەش ھەرىكىتدە ئىككى پۇت يەرگە تەڭلا تەگكەن ۋاقىتتا پۇتنىڭ ئالقىنى ئاۋۋال يەرگە تېگىپ ، تىز بۇغۇمى ئازراق ئىگىلسە ، گەۋدە ئازراق ئالدىغا ئېڭىشسە ، ئاندىن كېيىن تاپان يەرگە تەگسە ، ئۇرۇلۇشنى پەسەيتىش رولىنى ئويناپ ، تىز بوغۇمىنىڭ سوقۇلۇشىنى ئازلىتىدۇ . شۇنىڭ بىلەن بىر ۋاقىتتا ، ئىمكانىيەتنىڭ بارىچە تىز بوغۇمىنىڭ يېنىغا ، ئالدىغا ياكى ئارقىغا بولۇپ قېلىشىدىن ساقلىنىش لازىم .

    5 . لىپەكتە ئاغرىش ئەھۋالى كۆرۈلسە ، دەرھال ئارام ئېلىش ھەمدە ئىمكانىيەتنىڭ بارىچە بالدۇر تەكشۈرتۈش لازىم

سەيدۇللا سەمەت تەرجىمىسى