شىۋېتسارىيە ئالىملىرى يېقىندا ھەر خىل سەۋەبلەر تۈپەيلىدىن چىشى چۈشۈپ كەتكەنلەرنىڭ ئەستە تۇتۇش قابىلىيىتىنىڭ تۆۋەنلەپ كېتىدىغانلىقىنى ، چىش چۈشۈشنىڭ سەۋەبى ئوخشىمىسا ئادەمنىڭ ئەستە تۇتۇش قابىلىيىتىگە بولغان تەسىرىمۇ ئوخشاش بولمايدىغانلىقىنى بايقىغان . ئەگەر چىش ئۆزى بوشاپ چۈشۈپ كەتسە ، مەلۇم كېسەللىك سەۋەبلىرىدىن چۈشۈپ كەتسە ، ئۇنتۇغاق ، چېچىلاڭغۇ بولۇپ قېلىشى مۇمكىنكەن . يېقىندا ياپونىيە ئالىملىرى ھايۋانلارنى تەجرىبە قىلىپ ، ئەستە تۇتۇش سىغىمىنىڭ چوڭ – كىچىكلىكى بىلەن چىش سانى ئارىسىدا شەرتلىك باغلىنىش بارلىقىنى ئېنىقلاپ چىققان . دوختۇرلار تەجرىبىگە قاتناشتۇرغان ھايۋانلارنىڭ چىشىنى تارتقاندىن كېيىن ، چوڭ مېڭىنىڭ نېرۋىلىرى زەخمىگە ئۇچرىغان . تارتقان چىش سانى قانچە كۆپ بولغانسېرى زەخمىگە ئۇچرايدىغان نېرۋىلارمۇ شۇنچە كۆپ بولۇپ ، چوڭ مېڭىنىڭ ئەستە تۇتۇش ئىقتىدارىغا زور دەرىجىدە زىيان يەتكۈزگەن .

مۇتەللىپ ياقۇپ تەييارلىغان