يۇمغاقسۈت ئۇرۇقىدىن 6 گرام ، مامىرانىچىدىن 2 گرام ئېلىپ، 500 مىللىلىتىر سۇ قوشۇپ 200 مىللىلىتىر قالغۇچە قاينىتىپ ، كۈندە ئۈچ قېتىمدىن ئىچسە ، ئاشقازان ئاجىزلىقىدىن بولغان تاماق سىڭمەسلىككە ياخشى مەنپەئەت قىلىدۇ. يۇمغاقسۈت ئۇرۇقىدىن 75 گرام ، ھېلىلە كابۇل ، قارا ھېلىلە ، سېرىق ھېلىلە ۋە ئامىلە قاتارلىق دورىلارنىڭ ھەر قايسىسىدىن 15 گرام ئېلىپ يۇمشاق سوقۇپ ، ئۈچ ھەسسە ھەسەل بىلەن خېمىر قىلىپ كۈندە ئۈچ قېتىم ، ھەر قېتىمدا بىر گرامدىن تاماقتىن كېيىن ئىستېمال قىلسا ، سەپرادىن بولغان گال ئاغرىقى ، ھەر خىل باش ئاغرىقلىرى ، باش قېيىش ۋە بۇۋاسىر كېسەللىكلىرىگە شىپا بولىدۇ . ئۇنىڭدىن باشقا، يەنە مېڭە قان تومۇرلىرىدىكى توسالغۇلارنى ئېچىش، يەلنى ھەيدەش، سەپرانى پەسەيتىش رولىنى ئوينايدۇ.