ئىستېمال قىممىتى ئاچچىقسۇ تەركىبىدە ئاتسېلات، سۈت كېسلاتاسى، لېمون كېسلاتاسى قاتارلىق ئورگانىك كېسلاتالار بولۇپ ، بۇلارنىڭ ھەزىم قىلىشقا ياردەم بېرىش رولى بولۇپلا قالماستىن بەلكى يەنە باكتېرىيە يوقىتىش، كونتىرول قىلىش رولىغىمۇ ئىگە. ئاچچىقسۇ تۇرمۇشتا كۆپ ئىشلىتىلىدۇ ، بەزىلەر ئۇنى ئوزۇقلۇقلارنى كۈچەيتكۈچى دەپ ئاتىشىدۇ ، بۇ ھەرگىز مۇبالىغە ئەمەس.ئەگەر تاماق ئەتكەندە ئازىراق ئاچچىقسۇ قۇيىۋەتسە، سۇدا ئېرىيدىغان ۋىتامىنB ۋە ۋىتامىن Cنىڭ خېمىيىلىك قۇرۇلمىسى مۇقىملىشىپ ، يېمەكلىكلەرنىڭ ئوزۇقلۇق تەركىبى ساقلىنىپ قالىدۇ. ئاچچىقسۇ تائاملارنى مەززىلىك ، چۈرۇك قىلىپلا قالماستىن بەلكى يەنە يېمەكلىكلەر تەركىبىدىكى مىس، سېنىك ، خروملارنىڭ ئېرىشى ۋە ئورگانىزىمغا قوبۇل قىلىنىشىنى ئىلگىرى سۈرىدۇ. ئۆسۈملۈكلەردىكى سېللىلوزا ۋە سۆڭەكلەرنى ئېرىتىدۇ.

    دورىلىق قىممىتى ئاچچىقسۇ ئادەتتە زەنجىرسىمان شارچە باكتېرىيە ،ئۆپكە ياللۇغى قوش شارچە باكتېرىيىسى ، ئاق ئۈزۈمسىمان شارچە باكتېرىيە ۋە تارقىلىشچان زۇكام ۋىرۇسى قاتارلىقلارنى يوقىتىش رولىغا ئىگە . ئۇندىن باشقا تۈرلۈك تېرە كېسەللىكلىرىگە شىپا قىلىدۇ ، ئۈچەيدىكى قۇرۇتلارنى يوقىتىدۇ . قىش ۋە ئەتىياز پەسللىرى داۋاملىق ئاچچىقسۇ ئىستېمال قىلىپ تۇرسا ، نەپەس يولى كېسەللىكلىرىنىڭ ئالدىنى ئېلىش ۋە ئۇلارنى داۋالاش رولىنى ئوينايدۇ.

         مۇتەللىپ ياقۇپ تەرجىمىسى