ئېغىز بوشلۇقى يارىسى بولسا ئېغىز بوشلۇقى كېسەللىكلىرى ئىچىدە چىش مىلىكى كېسەللىكى ۋە چىش ئەتراپى كېسەللىكىدىن قالسىلا ئالدىنقى 3–ئورۇندا تۇرىدىغان كېسەللىك . ئېغىز بوشلۇقى يارىسى ئادەتتە بەدەندە ۋېتامىن B، ۋېتامىنC ، تۆمۇر ماددىسى ۋە تەنچە كىسلاتاسىنىڭ يېتىشمەسلىكىدىن پەيدا بولىدۇ . تېببىي پەن ئالىملىرىنىڭ بايقىشىچە ، كەيپىيات ناچار بولۇش ، جىددىلىشىش ۋە زىيادە روھى بېسىم ئېغىز بوشلۇقى كېسەللىكىنىڭ پەيدا بولۇشىدىكى ئاساسلىق ئامىلكەن. تەتقىقاتچىلار214 نەپەر ئېغىز بوشلۇقى يارىسى بىمارلىرىغا قارىتا تەكشۈرۈش ئېلىپ بېرىش ئارقىلىق ، بۇنىڭ ئىچىدىكى165نەپەر بىماردا ئوخشىمىغان دەرىجىدە ھەر خىل ناچار روھى–ھالەتلەرنىڭ بارلىقىنى بايقىغان . چۈنكى روھى بېسىم ئامىلى بىۋاستە ئادەمنىڭ ئىمۇنتىت ئىقتىدارىغا تەسىر كۆرسىتىش ئارقىلىق ئېغىز بوشلۇقى يارىسى كېسەللىكىنى كەلتۈرۈپ چىقىرىدۇ . ئېغىز بوشلۇقى يارىسى ئادەتتە ئانچە چوڭ كېسەللىك ھېسابلانمىسىمۇ ئەمما ئۇنىڭ ئاغرىق ئازابىغا چىدىغىلى بولمايدۇ . شۇڭا ئادەتتە كۆكتات ۋە مېۋە–چېۋىلەرنى كۆپ ئىستېمال قىلىپ بەرگەندىن سىرت يەنە تۇرمۇش رېتىمىنى تەڭپۇڭلاشتۇرۇپ ، روھى–ھالەتنى ياخشى تۇتۇش كېرەك.

 مۇتەللىپ ياقۇپ تەرجىمىسى