چاچنىڭ تەبىئىي گۈزەللىكىنى ساقلاش ئۈچۈن، بىرىنچىدىن، سۇلياۋ تاغاق ۋە چاچ  چوتكىسى ئىشلەتمەسلىك كېرەك. چۈنكى ئۇلاردىن ئاسانلا ئېلېكترونلۇق تەسىر پەيدا بولۇپ، چاچ ۋە باش تېرىسىنى غىدىقلايدۇ– دە، چاچ چۈشۈشكە  سەۋەپ بولىدۇ.

    ئىككىنچىدىن، چاچنى پات– پات يۇيۇپ تۇرۇش  كېرەك. لېكىن چاچ يۇيغاندا، بەك ئۇۋۇلىۋەتمەسلىك، چاچنى بەك يۇيۇۋەتمەسلىك ، چاچ  ئاسراش سۇيۇقلۇقى ئىشلىتىش، چاچنى قۇرغاقلاشتۇرىۋېتىدىغان سوپۇن ئىشلەتمەسلىك كېرەك.

ئۈچىنچىدىن، ئامال بار  تاماكا چەكمەسلىك، ھاراق ئىچمەسلىك كېرەك. تاماكا بەدەن ئىسسىقلىقىنى تۆۋەنلىتىپ، چاچنىڭ ئۆسۈشىنى چەكلىمىگە ئۇچرىتىدۇ.

     تۆتىنچىدىن، روھىي بېسىمنى  تۈگىتىش كېرەك. كەيپىياتنىڭ جىددىلىكى بەدەن ئەزالىرىغا  تەسىر كۆرسىتىپ چاچ  چۈشۈشكە  سەۋەپ بولىدۇ.

    بەشىنچىدىن، ئامال بار چاچ قۇرۇتۇش ماشىنىسى ئىشلەتمەسلىك كېرەك. چاچ  قۇرۇتۇش ماشىنىسىدىن چىققان ئىسسىق شامال تېرە  ۋە  چاچ توقۇلمىلىرىنى زەخمىلەندۈرۈپ چاچ  چۈشۈشكە سەۋەپ بولىدۇ.

    ئالتىنچىدىن، قەۋزىيەت بولۇشتىن ساقلىنىش كېرەك. كۆكتات بىلەن ئوزۇقلىنىش كەم بولسا، ئادەم ئاسانلا قەۋزىيەت  بولۇپ قالىدۇ، بۇنىڭ بىلەن بەدەندە قان ئايلىنىش ياخشى بولماي چاچ  سۈپىتىگە تەسىر يېتىدۇ.