باتارىيە سېتىۋالغاندا ‹‹ دۆلەت تەكشۈرۈشنى كەچۈرۈم قىلغان››، ‹‹جۇڭگونىڭ داڭلىق ماركىسى›› دېگەن بەلگىلەر چاپلانغانلىرىنى سېتىۋالسا، ئىشەنچىلىك ئىشلەتكىلى بولىدۇ. ئىشلەپچىقارغان ۋاقتى ۋە ساقلاش مۇددىتىگە قاراپمۇ سېتىۋېلىش لازىم. يېڭىدىن ئىشلەپ چىقىرىلغان باتارىيىنىڭ ئىقتىدارى تېخىمۇ ياخشى بولىدۇ. ماركىسىدا ‹‹سىماپ قوشۇلمىغان››، ‹‹ سىماپسىز››دېگەن خەتلەرنىڭ بار – يوقلۇقىغا قاراش، ئامال بار سىماپ ئارىلاشتۇرۇلمىغان باتارىيىنى سېتىۋېلىش؛ باتارىيىنى قاچىلىغاندا مۇسبەت، مەنپىي قۇتۇپلىرىنى ئېنىق ئايرىش لازىم، خاتا قاچىلىنىپ قالسا توك سايمىنى ۋە باتارىيە بۇزغۇنچىلىققا ئۇچرايدۇ. كونا، يېڭى باتارىيىلەرنى ئارىلاشتۇرۇپ ئىشلەتمەسلىك كېرەك. تىپى ئوخشاش، بىراق ماركىسى ئوخشىمايدىغان باتارىيىلەرنى ئارىلاشتۇرۇپ ئىشلىتىشكە بولمايدۇ. بولمىسا سۇيۇقلۇق ئېقىپ قېلىش ئەھۋاللىرى كۆرۈلىدۇ. بىر قېتىملىق باتارىيىگە توك قاچىلاشقا بولمايدۇ، بولمىسا پارتلاش ئەھۋاللىرى يۈز بېرىشى مۇمكىن .