ياز كۈنلىرى ھاۋا بەك ئىسسىپ كەتكەن كۈنلەردە  ئەسلىدىنلا ئىممونېت كۈچى ئاجىز بالىلارنىڭ ئىممۇنېت كۈچى تېخىمۇ تۆۋەنلەپ ، ئاسانلا ئىسسىق ئۆتۈپ قالىدۇ . ئىسسىق ئۆتۈپ قالغاندا بالىلارنىڭ قىزىتمىسى ئۆرلەيدۇ . شۇڭلاشقا ياز كۈنلىرى مۇۋاپىق تەدبىر قوللىنىپ ، بالىلارغا ئىسسىق ئۆتۈپ قېلىشنىڭ ئالدىنى ئېلىش كېرەك .

     مۇتەخەسسىسلەرنىڭ ئېيتىشىچە ، ئىسسىق ئۆتۈپ قالغان بالىلار دەسلەپتە كۆپ تەرلەيدىغان ، كېيىنچە تەر بېزىنىڭ ئىقتىدارى قالايمىقانلىشىپ ، تەر چىقمايدىغان ، تېمپىراتۇرىسى يۇقىرىلايدىغان بولۇپ قالىدىكەن ھەمدە ئاغزى قۇرۇش ، روھىي كەيپىياتى ناچارلىشىش ، بىئارام بولۇش ، چۆچۈش ۋە ھوشىدىن كېتىش ئەھۋاللىرى كۆرۈلىدىكەن . ئېغىرراق بولغاندا ، مېڭە سۇلۇق ئىششىقى ، نەپەس ئاجىزلىشىش ، مۇھىم ئەزالارنىڭ خىزمەت ئىقتىدارى ئاجىزلاش ئالامەتلىرى كۆرۈلىدىكەن . شۇڭلاشقا بالىلارنى ئاپتاپتا بەك ئۇزاق تۇرغۇزماسلىق ، ئىسسىقتا ئكينىڭ ھاۋاسىنى ئالماشتۇرۇپ تۇرۇش لازىم ئىكەن . بالىغا ئىسسىق ئۆتۈپ قالغاندا ، سوغۇق لۆڭگىنى پېشانىسىگە قۇيۇش ، بەدىنىنى ئىلمان سۇدا سۈرتۈپ بېرىش ياكى %75 لىك ئىسپىرتنى بەدەن ۋە قۇلتۇققا سۈرتۈپ بېرىش ، دوختۇرنىڭ كۆرسەتمىسى بويىچە دورا بېرىش بىلەن بىللە ، سوۋۇتۇلغان قايناقسۇنى كۆپ ئېچكۈزۈش لازىم . ئىسسىق ئكتۈپ قالغان بالىلارغا سىڭىشلىك ، ئاسان ھەزىم بولىدىغان ، سۇيۇق – سەلەڭ تائاملارنى ھەمدە تەركىبىدە ۋىتامىن كۆپ بولغان كۆكتاتلارنى كۆپرەك بېرىش ، ياغلىق يېمەكلىكلەرنى بەرمەسلىك لازىمكەن