|
ﺋﺎﺑﻠﯩﺰ ﺋﻮﺳﻤﺎﻥ ﻳﻪﺭﻛﻪﻧﺪﻯ
ﺋﻪﺭﻟﻪﺭ ﻣﺎﮬﯩﻴﻪﺕ ﺟﻪﮬﻪﺗﺘﯩﻦ ﺑﯩﺮ ﺑﺎﻟﯩﺪﯨﻦ ﺋﯩﺒﺎﺭﻩﺕ ﺑﻮﻟﯘﭖ ، ﺋﯘﻻﺭ ﭘﯜﺗﻜﯜﻝ ﮬﺎﻳﺎﺕ ﻣﯘﺳﺎﭘﯩﺴﯩﺪﻩ ﺑﺎﺷﺘﯩﻦ - ﺋﺎﺧﯩﺮ ﺑﺎﻟﯩﻠﯩﻘﺘﯩﻦ ﻧﯧﺮﻯ ﺑﻮﻻﻟﻤﺎﻳﺪﯗ .
ﺑﻪﺯﯨﺪﻩ ﺋﯘ ﺳﯚﺯﻟﻪﭖ ﺗﻮﺧﺘﯩﻤﺎﻳﺪﯨﻐﺎﻥ ﺑﺎﻟﯩﻐﺎ ﺋﻮﺧﺸﺎﭖ ﻗﺎﻟﯩﺪﯗ . ﺋﯚﻳﮕﻪ ﻗﺎﻳﺘﯩﭗ ﻛﯧﻠﯩﭙﻼ ﺑﯩﺮ ﻛﯜﻥ ﺟﻪﺭﻳﺎﻧﯩﺪﺍ ﻳﯜﺯ ﺑﻪﺭﮔﻪﻥ ﭼﻮﯓ - ﻛﯩﭽﯩﻚ ﺋﯩﺸﻼﺭﻧﯩﯔ ﮬﻪﻣﻤﯩﺴﯩﻨﻰ ﺳﯩﺰﮔﻪ ﺩﻩﭖ ﺑﯧﺮﯨﺸﻜﻪ ﺋﺎﻟﺪﯨﺮﺍﻳﺪﯗ ، ﺳﯩﺰﻧﯩﯔ ﺑﺎﮬﺎ ﺑﯧﺮﯨﺸﯩﯖﯩﺰﻧﻰ ، ﻣﺎﺧﺘﯩﺸﯩﯖﯩﺰﻧﻰ ، ﻗﻮﻟﻠﯩﺸﯩﯖﯩﺰﻧﻰ ﻛﯜﺗﯩﺪﯗ .
ﺑﻪﺯﯨﺪﻩ ﺋﯘ ﮬﻪﻣﻤﯩﻼ ﻧﻪﺭﺳﯩﮕﻪ ﻗﯩﺰﯨﻘﯩﭗ ﺗﯘﺭﯨﺪﯨﻐﺎﻥ ﺳﻪﺑﯩﻲ ﺑﺎﻟﯩﻐﺎ ﺋﻮﺧﺸﺎﭖ ﻗﺎﻟﯩﺪﯗ . ﺧﯩﻴﺎﻟﯩﻐﺎ ﻛﻪﻟﮕﻪﻧﻨﻰ ﺩﻩﭖ ، ﺳﯩﺰﺩﯨﻦ ﻧﯩﻤﯩﻠﻪﺭﻧﯩﺪﯗﺭ ﻛﯜﺗﯩﺪﯗ . ﺑﯘ ﭼﺎﻏﺪﯨﻜﻰ ﺑﯩﭽﺎﺭﯨﻠﻪﺭﭼﻪ ﻳﺎﻟﯟﯗﺭﯗﺵ ﺗﻪﻟﻪﭘﭙﯘﺯﻯ ﻛﯩﭽﯩﻚ ﺑﺎﻟﯩﻨﯩﯔ ﺋﯚﺯﯨﺪﯨﻨﻼ ﺋﯩﺒﺎﺭﻩﺕ ﺑﻮﻟﯩﺪﯗ .
ﺑﻪﺯﯨﺪﻩ ﺋﯘ ﭘﻪﭘﯩﻠﻪﭖ ﭼﻮﯓ ﻗﯩﻠﻐﺎﻥ ﺋﻪﺭﻛﻪ ﺑﺎﻟﯩﻐﺎ ﺋﻮﺧﺸﺎﭖ ﻗﺎﻟﯩﺪﯗ . ﺑﯩﺮﻩﺭ ﺋﯧﻐﯩﺰ ﻗﺎﺗﺘﯩﻖ ﮔﻪﭖ ، ﻗﻮﭘﺎﻝ ﺳﯚﺯ ﻳﺎﻛﻰ ﺋﻪﻳﯩﭙﻠﻪﺷﻨﯩﻤﯘ ﻗﻮﺑﯘﻝ ﻗﯩﻼﻟﻤﺎﻳﺪﯗ . ﺋﺎﺯﺭﺍﻗﻼ ﺳﺎﻗﺴﯩﺰ ﺑﻮﻟﯘﭖ ﻗﺎﻟﺴﺎ ﺋﯩﯖﺮﺍﭖ ﯞﺍﻳﺴﺎﻳﺪﯗ . ﺳﯩﺰﻧﯩﯔ ﺩﻭﺧﺘﯘﺭ ﺋﻪﻣﻪﺳﻠﯩﻜﯩﯖﯩﺰﻧﻰ ﺑﯩﻠﯩﭗ ﺗﯘﺭﺳﯩﻤﯘ ﻳﻪﻧﯩﻼ ﺗﻮﺧﺘﯩﻤﺎﻱ ﺩﻩﺭﺩ ﺗﯚﻛﯜﭖ ﺳﯩﺰﻧﯩﯔ ﻛﯚﻳﯜﻧﯜﺷﯩﯖﯩﺰ ﯞﻩ ﻏﻪﻣﺨﻮﺭﻟﯘﻕ ﻗﯩﻠﯩﺸﯩﯖﯩﺰﻧﻰ ﻛﯜﺗﯩﺪﯗ .
ﺑﻪﺯﯨﺪﻩ ﺋﯘ ﺯﻩﺭﺑﻪ ﻳﯩﮕﻪﻥ ﺑﺎﻟﯩﻐﺎ ﺋﻮﺧﺸﺎﭖ ﻗﺎﻟﯩﺪﯗ . ﺳﯩﺰﮔﻪ ﺗﻪﻟﻤﯜﺭﯛﭖ ﺗﻪﺳﻪﻟﻠﯩﻲ ﯞﻩ ﺋﯩﻠﮭﺎﻡ ﺋﯩﺰﻟﻪﻳﺪﯗ . ﺗﯧﺨﯩﻤﯘ ﻛﯚﭖ ﭼﺎﻏﻼﺭﺩﺍ ﺋﯘ ﺳﻪﯞﻩﺑﯩﻨﻰ ﺋﯚﺯﯨﻤﯘ ﺑﯩﻠﻤﯩﮕﻪﻥ ﮬﺎﻟﺪﺍ ﺋﯜﻣﯜﺩﺳﯩﺰﻟﯩﻚ ﺗﯘﻳﻐﯘﺳﯩﻐﺎ ﭼﯚﻣﯩﺪﯗ ، ﻳﺎﻟﻐﯘﺯﻟﯘﻕ ﯞﻩ ﺗﻪﺷﯟﯨﺶ ﺋﯘﻧﻰ ﺋﯩﺴﻜﻪﻧﺠﯩﮕﻪ ﺋﺎﻟﯩﺪﯗ . ﺑﻪﻟﻜﻰ ﺑﯘ ﺧﯩﺰﻣﻪﺕ ، ﻛﻪﺳﭗ ﺟﻪﮬﻪﺗﺘﯩﻜﻰ ﺋﻮﯕﯘﺷﺴﯩﺰﻟﯩﻘﺘﯩﻦ ، ﻛﻪﻳﭙﯩﻴﺎﺕ ﺟﻪﮬﻪﺗﺘﯩﻜﻰ ﺗﻪﯕﭙﯘﯕﺴﯩﺰﻟﯩﻘﺘﯩﻦ ﻳﺎﻛﻰ ﮬﯧﺴﺴﯩﻴﺎﺕ ﺟﻪﮬﻪﺗﺘﯩﻜﻰ ﺩﺍﯞﺍﻟﻐﯘﺷﺘﯩﻦ ﻛﯧﻠﯩﭗ ﭼﯩﻘﻘﺎﻥ ﺑﻮﻟﯘﺷﻰ ﻣﯘﻣﻜﯩﻦ ، ﺋﯩﺶ ﻗﯩﻠﯩﭗ ﺑﯘ ﺑﯩﺮ ﺧﯩﻞ ﺗﯧﯖﯩﺮﻗﺎﺵ ، ﺋﺎﻣﺎﻟﺴﯩﺰﻟﯩﻖ ، ﺋﺎﺯﺍﺏ ﯞﻩ ﺋﯜﻣﯩﺪﺳﯩﺰﻟﯩﻚ ﺗﯘﻳﻐﯘﺳﯩﺪﯨﻦ ﺋﯩﺒﺎﺭﻩﺕ ﺑﻮﻟﯘﭖ ، ﮔﺎﮬﯩﺪﺍ ﺋﯘ ﻗﺎﺗﺘﯩﻖ ﺑﯩﺮ ﻳﯩﻐﻠﯩﯟﯦﻠﯩﺸﻘﺎ ﻣﯘﮬﺘﺎﺝ ﺑﻮﻟﯘﭖ ﻗﺎﻟﯩﺪﯗ ، ﮔﻪﺭﭼﻪ ﺋﯘ ﻛﯚﺯ ﻳﯧﺸﯩﻨﯩﯔ ﺋﻪﺭﻟﻪﺭ ﺋﯜﭼﯜﻥ ﺑﯩﺮ ﻳﺎﺭﯨﻤﺎﺳﻠﯩﻖ ﮬﯧﺴﺎﺑﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﯩﭗ ﺗﯘﺭﺳﯩﻤﯘ .
ﺋﻪﺭﻟﻪﺭ ﺳﯩﺰﺩﯨﻦ ﻛﯚﭖ ﺋﯩﺸﻼﺭﻧﻰ ﻗﯩﻠﯩﭗ ﺑﯧﺮﯨﺸﯩﯖﯩﺰﻧﻰ ﺗﻪﻟﻪﭖ ﻗﯩﻠﻤﺎﻳﺪﯗ . ﭘﻪﻗﻪﺕ ﺑﻪﺯﯨﺪﻩ ﺋﺎﻧﯩﻨﯩﯔ ﺋﻮﺭﻧﯩﺪﺍ ﺗﯘﺭﯗﭖ ، ﺋﺎﻧﯩﻨﯩﯔ ﺭﻭﻟﯩﻨﻰ ﺋﯧﻠﯩﭗ ﺋﯘﻧﯩﯖﻐﺎ ﻣﯩﮭﯩﺮ - ﻣﯘﮬﻪﺑﺒﻪﺕ ﺋﺎﺗﺎ ﻗﯩﻠﯩﺸﯩﯖﯩﺰﻧﯩﻼ ﻛﯜﺗﯩﺪﯗ ، ﺑﯘ ﭘﯩﺴﺨﯩﻚ ﺟﻪﮬﻪﺗﺘﯩﻜﻰ ﺋﺎﻻﮬﯩﺪﻩ ﺋﯧﮭﺘﯩﻴﺎﺝ ﺑﻮﻟﯘﭖ ، ﺑﯘ ﺋﺎﺭﻗﯩﻠﯩﻖ ﺋﯘﻻﺭ ﺧﺎﺗﯩﺮﺟﻪﻣﻠﯩﻜﻜﻪ ﺋﯧﺮﯨﺸﯩﭗ ﺗﻪﺳﻪﻟﻠﯩﻲ ﺗﺎﭘﯩﺪﯗ .
ﺋﻪﺭﻟﻪﺭﺩﯨﻜﻰ ﺑﯘ ﺧﯩﻞ ﺋﺎﺭﺯﯗ ﺑﺎﻟﯩﻨﯩﯔ ﺋﺎﻧﯩﺴﯩﻨﯩﯔ ﻗﯘﭼﺎﻗﻠﯩﺸﯩﻨﻰ ﺗﻪﻣﻪ ﻗﯩﻠﻐﺎﻧﺪﻩﻛﻼ ﺑﯩﺮ ﺋﯩﺶ ﺑﻮﻟﯘﭖ ، ﻣﻪﻳﻠﻰ ﺋﯘ ﻳﺎﺵ ﺟﻪﮬﻪﺗﺘﻪ ﻗﺎﻧﭽﻪ ﭼﻮﯓ ﺑﻮﻟﺴﯘﻥ ، ﻗﻪﻟﺐ ﻗﻪﺳﯩﺮﯨﮕﻪ ﻳﻪﻧﯩﻼ ﺷﯘ ﺧﯩﻞ ﺗﺎﺗﻠﯩﻖ ﺳﯧﺰﯨﻢ ﻳﻮﺷﯘﺭﯗﻧﻐﺎﻥ ﺑﻮﻟﯩﺪﯗ . ﺑﯘ ﺑﯩﺮ ﺧﯩﻞ ﺗﻪﺑﯩﺌﯩﻴﻠﯩﻚ ﺑﻮﻟﯘﭖ ، ﺗﯘﻏﯘﻟﯘﺷﺘﯩﻨﻼ ﺑﺎﺭ ﺑﻮﻟﻐﺎﻥ ﮬﻪﻡ ﺑﯩﺮ ﺋﯚﻣﯜﺭ ﻳﻮﻗﺎﻟﻤﺎﻳﺪﯨﻐﺎﻥ ﺋﺎﻻﮬﯩﺪﯨﻠﯩﻜﺘﯘﺭ .
ﻗﯩﺴﻘﯩﺴﻰ ، ﺋﻪﺭﻟﻪﺭ ﮔﺎﮬﯩﺪﺍ ﭘﯩﺸﻘﺎﻥ ﺋﻪﺭﻛﻪﻛﻜﻪ ﺧﺎﺱ ﺑﻮﻟﻐﺎﻥ ﺳﺎﻻﭘﻪﺗﻜﻪ ﻣﯘﺧﺎﻟﯩﭗ ﺑﻮﻟﻐﺎﻥ ﻧﯘﺭﻏﯘﻥ ﺋﯩﺸﻼﺭﻧﻰ ﻗﯩﻠﯩﭗ ﻗﻮﻳﯩﺪﯗ . ﺋﻪﻣﻤﺎ ﺑﯘﻧﺪﺍﻕ ﭼﺎﻏﺪﺍ ﺋﯘﻧﻰ ﺋﻪﻳﯩﺒﻠﯩﻤﻪﺳﻠﯩﻜﯩﯖﯩﺰ ، ﻣﻪﺳﺨﯩﺮﻩ ﻗﯩﻠﻤﺎﺳﻠﯩﻘﯩﯖﯩﺰ ﯞﻩ ﺋﯘﻧﯩﯖﻐﺎ ﺋﺎﺯﺍﺭ ﺑﻪﺭﻣﻪﺳﻠﯩﻜﯩﯖﯩﺰ ﻛﯧﺮﻩﻙ . ﺑﯩﺮ ﺋﺎﺩﻩﻣﻨﻰ ﺳﯚﻳﯜﺵ ﺋﯘﻧﯩﯖﻐﺎ ﻛﯚﻳﯜﻧﯜﺵ ﺩﯦﮕﻪﻧﻠﯩﻚ ﺑﻮﻟﯘﭖ ، ﺳﯚﻳﮕﯜ ﭼﻮﯕﻘﯘﺭﻻﺷﻘﺎﻧﺴﯧﺮﻯ ﺋﺎﺩﻩﻣﺪﻩ ﺑﺎﺭ ﺑﻮﻟﻐﺎﻥ ﻳﻮﺷﯘﺭﯗﻥ ﮬﺎﻟﻪﺗﺘﯩﻜﻰ ﺋﺎﺗﯩﻠﯩﻖ ﻳﺎﻛﻰ ﺋﺎﻧﯩﻠﯩﻖ ﮬﯧﺴﺴﯩﻴﺎﺗﻰ ﺗﯧﺨﯩﻤﯘ ﺋﯘﺭﻏﯘﻳﺪﯗ . ﺋﻪﻗﯩﻠﻠﯩﻖ ﺋﺎﻳﺎﻟﻼﺭ ﺋﯧﺮﯨﻨﯩﯔ ﺳﯚﻳﮕﯩﻨﻰ ، ﺩﻭﺳﺘﻰ ، ﻗﯩﺰﻯ ﯞﻩ ﺋﺎﻧﯩﺴﻰ ﺑﻮﻟﯘﺷﻰ ﻻﺯﯨﻢ . ﺋﺎﻧﯩﻠﯩﻖ ﻣﯧﮭﺮﻯ ﻛﻪﻣﭽﯩﻞ ﺑﻮﻟﻐﺎﻥ ﺑﯩﺮ ﺋﺎﻳﺎﻝ ﻳﺎﺧﺸﻰ ﺋﺎﺋﯩﻠﻪ ﺋﺎﻳﺎﻟﻰ ﺑﻮﻻﻟﯩﺸﻰ ﻣﯘﻣﻜﯩﻦ ، ﺋﻪﻣﻤﺎ ﺋﯘ ﻣﻪﯕﮕﯜ ﺑﯩﺮ ﻳﺎﺧﺸﻰ ﺧﻮﺗﯘﻥ ﺑﻮﻻﻟﻤﺎﻳﺪﯗ ، ﭼﯜﻧﻜﻰ ﺋﻪﺭﻟﻪﺭ ﻣﻪﯕﮕﯜ ﺑﯩﺮ ﺑﺎﻻ !!
ﺷﯩﻨﺠﺎﯓ ﺋﺎﻳﺎﻟﻠﯩﺮﻯ ژورنىلىدىن ئېلىندى
|
