جۇڭگو ئاخبارات تورى 15 – ئىيۇل تېلېگراممىسى : مەركىزىي مېتېئورولوگىيە ئىستانىسىسى تور پونكىتىنىڭ خەۋىرىگە قارىغاندا ، مەركىزىي مېتېئورولوگىيە ئىستانىسىسى بۈگۈن (15 – ئىيۇل) 6 سائەت ئۈزۈلدۈرمەي يۇقىرى تېمپېراتۇرىدىن ئالدىن مەلۇمات بەرگەن. بۇ ھاۋا رايى ئالدىن مەلۇماتىغا قارىغاندا جەنۇبىي جۇڭگو ، شىنجاڭ قاتارلىق رايونلاردا  تېمپېراتۇرا ℃35 تىن يۇقىرى بولىدىكەن . بىر قىسىم جايلاردا ئەڭ يۇقىرى تېمپېراتۇرا ℃37–℃39 قا يېتىدىكەن . 

     بۈگۈن كۈندۈزدە ، جەنۇبىي جۇڭگونىڭ كۆپ قىسىم جايلىرى ، جەنۇبىي شىنجاڭنىڭ شەرقىي قىسمى ھەمدە تۇرپان ئويمانلىقى قاتارلىق جايلاردا تېمپېراتۇرا ℃35 تىن يۇقىرى بولىدىكەن . بۇنىڭ ئىچىدە جياڭشىنىڭ ئوتتۇرا قىسىمى ، جېجياڭنىڭ ئوتتۇرا غەربىي قىسىمى ، فۇجيەننىڭ ئوتتۇرا قىسىمى ھەمدە شىنجاڭنىڭ تۇرپان ئويمانلىقى قاتارلىق بىر قىسىم جايلارنىڭ ئەڭ يۇقىرى تېمپېراتۇرىسى ℃37–℃39 قا يېتىدىكەن .

      مېتېئورولوگىيە تارماقلىرى كىشلەرنىڭ يۇقىرى تېمپېراتۇرىدىن مۇداپىئە كۆرۈپ ، ئىسسىق ئۆتۈپ كېتىشتىن ساقلىنىشنى ئاگاھلاندۇردى .