ئاپتونوم رايونلۇق پارتكوم 27 –  ئىيۇن ‹‹<چىرىكلەشكەنلەرنى جازالاش ۋە چىرىكلىكنىڭ ئالدىنى ئېلىش سىستېمىسىنى بەرپا قىلىش ۋە مۇكەممەللەشتۈرۈشنىڭ 2008 –  يىلىدىن 2012 –  يىلىغىچە بولغان خىزمەت يىرىك  پىلانى> نى ئىزچىل ئەمەلىيلەشتۈرۈشنىڭ يولغا قويۇش چارىسى›› (تولۇق تېكىستى ئايرىم تارقىتىلىدۇ)نى تارقىتىش توغرىسىدا ئۇقتۇرۇش چىقاردى، ئۇقتۇرۇشتا ئاپتونوم رايونىمىزدىكى جايلار، تارماقلارنىڭ ئەمەلىيەتكە بىرلەشتۈرۈپ، ئەستايىدىل، ئىزچىل ئىجرا قىلىشى تەلەپ قىلىندى. ئۇقتۇرۇشتا مۇنداق دېيىلدى: ‹‹خىزمەت يىرىك پىلانى›› ئاپتونوم رايونىمىزنىڭ بۇنىڭدىن كېيىنكى بەش يىلدا چىرىكلەشكەنلەرنى جازالاش ۋە چىرىكلىكنىڭ ئالدىنى ئېلىش سىستېمىسى قۇرۇلۇشىنى ئىلگىرى سۈرۈشىدىكى يېتەكچى ھۆججەت. ھەر دەرىجىلىك پارتكوم، ھۆكۈمەتلەر پارتىيە ئىستىلى، پاكلىق قۇرۇلۇشى مەسئۇلىيەت تۈزۈمىنى قەتئىي ئىجرا قىلىپ، ‹‹خىزمەت يىرىك پىلانى›› نى ئەمەلىيلەشتۈرۈشنى چىرىكلىككە قارشى تۇرۇپ، پاكلىقنى تەشەببۇس قىلىش قۇرۇلۇشىنى كۈچەيتىشتىكى مۇھىم سىياسىي ۋەزىپە سۈپىتىدە كۈنتەرتىپكە كىرگۈزۈپ، چوڭقۇر ئۆگىنىپ، تەشۋىق قىلىپ، ئەستايىدىل تەشكىللەپ يولغا قويۇشى كېرەك.
