يېقىنقى كۈنلەردىن بۇيان ، جەنۇبىي قۇتۇپ رايونىدا ئۇدا قاتتىق بوران–چاپقۇنلۇق ھاۋارايى كۆرۈلۈپ ، نەچچە ئونمىڭلىغان يېڭى تۇغۇلغان پىنگۋىن بالىلىرى توڭلاپ ئۆلۈپ كەتكەن . مۆلچەرلىنىشىچە ، بۇ قېتىمقى ئاپەتتە جەنۇبىي قۇتۇپتىكى پىنگۋىنلارنىڭ تەڭ يېرىمى ئۆلۈپ كېتىش ئېھتىماللىقى بار ئىكەن . 

        ئالىملارنىڭ قارىشىچە ، ئاپەتنىڭ تەسىرىگە ئەڭ ئېغىر ئۇچرىغان ‹‹ئادېليې››پىنگۋىنلىرىنىڭ سانى %80 ئەتراپىدا ئازلاپ كېتىدىكەن . ئەگەر ھاۋا رايى قىسقا مۇددەت ئىچىدە ياخشىلانمىسا ، ئەھۋال تېخىمۇ ئېغىرلىشىپ كېتىدىكەن . مۇشۇ ئاپەت سەۋەبىدىن 10 يىلغا يەتمىگەن ۋاقىت ئىچىدە ‹‹  ئادېليې ›› پىنگۋىنىنىڭ نەسلى قۇرۇپ كېتىش مۇمكىنچىلىكى بار ئىكەن .