سىچۈەندىكى ميەنجۇ شەھىرى خەنۋاڭ يېزىلىق دوڭچى ئوتتۇرا مەكتىپىنىڭ تولۇق 3– يىللىق ئوقۇغۇچىلىرىدىن پېڭ لى ، ۋاڭ لى ، جاۋ سېلى قاتارلىقلار يەر تەۋرەش ئاپىتىدە ئامان قالغاندىن كېيىن چۇڭچىڭدا داۋالىنىۋاتاتتى . ئالاقىدار تارماقلار ئۇلار ئۈچۈن دوختۇرخانىغا ئالاھىدە ئىمتىھان مەيدانى تەسىس قىلىپ بەردى . بۈگۈن(3–ئىيۇل) ، ئاپەت رايونىدىن كەلگەن بۇ بىر نەچچە ئوقۇغۇچى كېسەل كارىۋىتىدا كېچىكتۈرۈپ ئېلىنغان ئالىي مەكتەپ ئىمتىھانىغا قاتنىشىدۇ . 

      ئالىي مەكتەپ ئىمتىھانى كېچىكتۈرۈپ ئېلىنىدىغان رايونلاردىكى ئىمتىھان ۋاقتىنىڭ توشۇشىغا ئەگىشىپ ، سىچۈەن ئۆلكىسى ميەنياڭ شەھىرى بېيچۈەن ئوتتۇرا مەكتىپىدىكى ئوقۇغۇچىلار ھەر خىل ئۇسۇللار ئارقىلىق ئىمتىھان بېسىمنى يەڭگىللەتمەكتە . 2008–يىللىق دۆلەتلىك ئادەتتىكى ئالىي مەكتەپلەرنىڭ بىر تۇتاش ئىمتىھانى بۈگۈن (3–ئىيۇل) باشلىنىدۇ .