ئىختىيارىي مۇخبىرىمىز ئابلىمىت سوپىھاجى خەۋىرى ، فوتوسى: 4–نۆۋەتلىك ‹‹جۇڭگو شىنجاڭ قەشقەر ئوتتۇرا ئاسىيا–جەنۇبىي ئاسىيا سودا يەرمەنكىسى›› گە ئاتاپ مەخسۇس تەييارلانغان ‹‹خۇشاللىققا چۆمگەن قەشقەر، ئىناق جەنۇبىي شىنجاڭ›› ناملىق چوڭ تىپتىكى ئەدەبىيات–سەنئەت كېچىلىكى 28–ئىيۇن كەچ قەشقەر خەلق مەيدانىدا ئۆتكۈزۈلدى . ‹‹قەشقەر سودا يەرمەنكىسى›› گە قاتنىشىش ئۈچۈن مەملىكەت ئىچى ۋە سىرتىدىن كەلگەن ھۆكۈمەت ئەربابلىرى ، كارخانىچىلار ، سودىگەرلەر شۇنداقلا ئاپتونوم رايونىمىزدىكى بىر قىسىم رەھبەرلىرى ۋە قەشقەردىكى ھەر مىللەت خەلق ئاممىسى بولۇپ 5000 دىن ئارتۇق كىشى بۇ قېتىمقى سەنئەت كېچىلىكىنى كۆردى.

     سەنئەت كېچىلىكىدە شىياڭگاڭ ، تەيۋەن ، بېيجىڭ قاتارلىق ئۆلكە ، رايون ، شەھەرلەردىن كەلگەن داڭلىق سەنئەت چولپانلىرى بىلەن قەشقەر ۋىلايىتىدىكى كەسپىي سەنئەتچىلەر كەڭ تاماشىبىنلارغا ئېسىل سەنئەت نومۇرلىرىنى تەقدىم قىلىپ ، بۇ قېتىمقى ‹‹قەشقەر سودا يەرمەنكىسى››نى تېخىمۇ يۇقىرى پەللىگە كۆتۈردى.

قەشقەرنىڭ ئوبراز ئەلچىسى ، داڭلىق ناخشىچى ئەركىن ئابدۇللا قاغىلىق خەلق ناخشىسى «قۇياشقا ئەڭ يېقىن كىشىلەر»نى ئورۇندىماقتا

سەنئەت كېچىلىكىدىكى نادىر نومۇرلاردىن تاللانما