ئۈرۈمچى شەھەرلىك ج خ ئىدارىسى 15–ئىيۇن ‹‹بىر قىسىم يول بۆلەكلىرىدە ئامانلىق ساقلاپ ، قاتناشقا چەك قويۇش توغرىسىدىكى ئۇقتۇرۇش››نى ئېلان قىلغان بولۇپ، ‹‹ئۇقتۇرۇش››تا بۈگۈن(17–ئىيۇن) ئۈرۈمچى شەھىرىدىكى بىر قىسم يول بۆلەكلىرىدە ئامانلىق ساقلاپ قاتناشقا چەك قويۇش تەلەپ قىلىندى.

   تونۇشتۇرۇلىشچە ،17–ئىيۇن ئەتىگەن سائەت 5:00تىن چۈش سائەت 12:00گىچە ئۈرۈمچى شەھىرىنىڭ ‹‹نۇرلۇق››،‹‹شەرىق شامىلى››،‹‹ئازادلىق››جەنوبىي ، شىمالىي يوللىرى،‹‹تىنىچلىق››شىمالىي يولى،‹‹خەلق››يولى،‹‹شىنخۇا››شىمالىي يوللىرىدا تەرتىپ بويىچە قاتناشقا تولۇق چەك قويۇلىدىكەن؛ ئەتىگەن سائەت 6:00دىن چۈش سائەت 12:00گىچە ئۈرۈمچى شەھىرىنىڭ ‹‹دوستلۇق يولى››،‹‹شىنجاڭ تىببىي ئۇنىۋېرسىتېتى››يولى، ‹‹بېيجىڭ››يولى،‹‹خېبىي››يوللىرىدا تەرتىپ بويىچە قاتناشقا تولۇق چەك قويۇلىدىكەن؛ سائەت 5:00تىن كەچ سائەت 8:00گىچە ئۈرۈمچى شەھىرىنىڭ ‹‹تاشقى ئايلانما››يولىنىڭ ئىچىدىكى يوللىرىدا ئوتتۇرا ، ئېغىر تىپتىكى يۈك ئاپتوموبىللىرى ھەمدە باشقا رايونلارنىڭ ئاپتوموبىللىرى ، ۋاقىتلىق نومۇر تاختىسى ئىشلىتىۋاتقان ئاپتوموبىللارنىڭ يول يۈرۈشى مەنئىي قىلىنىدىكەن.

   ئۇنىڭدىن سىرت خىزمەت ئېھتىياجىغا ئاساسەن، شەھىرىمىزنىڭ ج خ ئورگىنىغا قاراشلىق كەسىپ بېجىرىدىغان كۆزنەك ئورۇنلار 17–ئىيۇن كەسىپ بېجىرمەيدىكەن، ئىش بىجىرگۈچىلەر باشقا كۈنى بېجىرسە بولىدىكەن.