12–ماي ، سىچۈەن ئۆلكىسىدە يەر تەۋرەش ئاپىتى يۈز بېرىپ ، شۇ جايدىكى خەلققە ئىنتايىن زور ئاپەتلەرنى ئېلىپ كەلدى . بۇ ئىش يۈز بەرگەندىن كېيىن ، شىنجاڭ ئۇيغۇر ئاپتونوم رايونلۇق پارتكوم ، شىنجاڭ ئۇيغۇر ئاپتونوم رايونلۇق خەلق ھۆكۈمىتى دەرھال تېلېگرامما ئەۋەتىپ ئاپەتكە ئۇچرىغان خەلقتىن ھال سورىدى ۋە قازا قىلغانلارغا تەزىيە بىلدۈردى . شۇنىڭ بىلەن بىرگە سىچۈەندىكى ئاپەتكە ئۇچرىغان رايونلارغا 4 مىليون يۈەن نەق پۇل ياردەم قىلدى . ھازىر شىنجاڭ ئۇيغۇر ئاپتونوم رايونىدىكى ھەر مىللەت خەلق ئاممىسى ئاكتىپلىق بىلەن ئىئانە توپلاپ ، ئاپەتتىن قۇتقۇزۇش خىزمىتىنى پۈتۈن كۈچى بىلەن قوللاۋاتىدۇ .