تەڭرىتاغ  تورى -- گوۋۇيۇەن ئاخبارات ئىشخانىسى تەكشۈرۈپ تەستىقلىغان ، ئاپتونوم رايونلۇق پارتكوم تەشۋىقات بۆلۈمى رەھبەرلىك قىلىدىغان  ، ئاپتونوم رايونلۇق خەلق ھۆكۈمىتى ئاخبارات ئىشخانىسى باشقۇرىدىغان، ئاپتونوم رايونىمىزدىكى ئاساسلىق  ئاخبارات  ۋاسىتىلىرىنىڭ يېقىندىن ھەمكارلىشىشى بىلەن قۇرۇلغان يېڭى تور ئالاقە ۋاسىتىسى(خەنزۇچە ، ئۇيغۇرچە ، ئىنگلىزچە ، روسچە تۆت خىل تىلدا چىقىرىلىدۇ )  ،  شۇنداقلا شىنجاڭدىكى بىردىنبىر نۇقتىلىق ئاخبارات تور پونكىتى .
       تەڭرىتاغ  تورى ئۇيغۇرچە تور بېكىتى (http://uyghur.xjts.cn) شىنجاڭدا تۇنجى بولۇپ ھۆكۈمەت باشقۇرۇشىدا ئېچىلغان ئۇيغۇر تور  ئاخبارات ۋاسىتىسى   بولۇپ ،  2002 – يىلى 12 – ئايدا سىرتقا سىناق تەرىقىسىدە ئېچىۋېتىلدى  ، 2003 – يىلى 12 – ئاينىڭ 18 – كۈنى سىرتقا رەسمىي ئۇچۇر تارقىتىشقا باشلىدى .
       تەڭرىتاغ  تورى ئۇيغۇرچە تور بېكىتى قۇرۇلغاندىن بۇيان  شىنجاڭنىڭ  تور   ئاخباراتچىلىقىدىكى ئۆتكۈر كۆز بولۇش سۈپىتى بىلەن  پارتىيىنىڭ توغرا  ئاخبارات ئىدىيىسىنى يېتەكچى قىلىپ ، شىنجاڭدىكى يېڭىلىق ، ئەڭ   يېڭى ئۇچۇر ، خىلمۇ   خىل نوپۇزلۇق ئاخبارات قاراشلىرىنى   يۈكسەك دەرىجىدە مۇجەسسەملەشتۈ رۈ پ ، دۇنيانىڭ  ھەرقايسى جايلىرىدىكى كەڭ كۆرۈرمەنلەرنى شىنجاڭنىڭ ئومۇمىي ئەھۋالىدىن ۋاقتىدا خەۋەردار قىلىپ كەلدى .
      تور بېكىتى  قۇرۇلغان ئۈچ يىلدىن بۇيان  «شىنجاڭ گېزىتى » ،  شىنجاڭ خەلق   رادىئو ئىستانسىسى قاتارلىق تەسىرى زور  ، نوپۇزلۇق ئاخبارات  ۋاستىلىرى بىلەن   بولغان ھەمكارلىقنى ئۈزلۈكسىز كۈچەيتىپ ، ئۇلارنىڭ  قوللىشى ۋە يېقىندىن  ياردىمىنى قولغا  كەلتۈردى . 

        تور بېكىتى نۆۋەتتە ، دۆلەت ئىچى ۋە سىرتىدىكى  كەڭ كۆرۈرمەنلەر  بىلىشنى خالايدىغان ئەڭ يېڭى  ئۇچۇرلارنى ،   شىنجاڭنىڭ ئومۇمىي ئەھۋالى بولۇپمۇ شىنجاڭنىڭ تەرەققىياتى ، مەدەنىيىتى ، يۇكسىلىۋاتقان ئىقتىسادىي ، مائارىپى ، گۈ للىنىۋاتقان ساياھەتچىلىكى قاتارلىق جەھەتلەردىكى  يېڭىلىقلارنى  ،  ئەڭ تېز  سۈرئەت بىلەن ئەڭ زور مىقداردا تارقىتىش مەقسىتىدە  تور بېتىنى يېڭىلاش قاتارلىق چوڭ ئىسلاھاتلارنى ئېلىپ بېرىپ ، بەت    يۈزىنى تېخىمۇ رەڭدار لايىھەلەپ ، سەھىپىلەرنى تېخىمۇ كۆپ ۋە جەلپكار قىلىپ  ، مەزمۇنلارنى تېخىمۇ سەرخىللاشتۇردۇق .
      تور بېكىتىمىز يەنە  چەت ئەللەردىكى   لاتىن ۋە  سلاۋىيان يېزىقلىرىنى   قوللىنىدىغان كەڭ كۆرۈرمەنلىرىمىزنى  ئالاھىدە كۆزدە  تۇتۇپ ،  ئۇيغۇر   يېزىقىدىكى  خەۋەر – ماقالىلارنى لاتىن ۋە سلاۋىيان  يېزىقلىرىغا ئاپتوماتىك ئايلاندۇرىدىغان سىستېمىنى بارلىققا كەلتۈردى .